ليه آتكدّر ... والخواطر تضايق ... ///// كل مااتجمّل ..! يجحدون الجماله

السلام عليكم ورحمة الله وبركاته

مساؤكم .. صباحكم شعر وجزاله اخواني أعضاء هذا الصرح الشامخ

أتمنى أن ترقى لذائقتكم الشعريه

لقلوبكم الطاهره :

ودي مهو بكيفي أرد الخلايق=واليا عملت الطيب ماهو جماله
الخلق ماتعلم على ويش ضايق=مير العزا لله عزيز الجلاله
ماردني فالطيب مليون عايق=كل مانخاني رجل قلنا سهاله
الراس فالطنخه ترى حيل تايق=ماأقصر عن الواجب على كل حاله
ماعاد بي طاقه ولازلت طايق=لاني ردي علوم وأحمل جهاله
الطيب يبغى له رجل دوم رايق=والطيب يبغى له صبر في مجاله
ماأقول طيب .! مير للطيب شايق=ولاأقول كامل والولي في كماله
أنا رجل فعله مع الناس لايق=من راس قومن كم لهم من دلاله
ويلان من ويلان عند الحقايق=مانلتفت للنقص وأهل الهزاله
ربعي هل العشوا وساع البنايق=وخوالي الفدعان نعم السلاله
لاجيت أفرقها . . فلا من فرايق=رجلن ويفخر بالعمام وخواله
والحمد لله كم بها من وثايق=إعلوم طيب ومرجله مع جزاله
شاعر ولالي فالأمور الدقايق=اللي تحد الرجل صوب الخماله
ودي بفعل الطيب بأية طرايق=حتى ولو قالوا دفع من حلاله
الله يعين ان كان فيها عوايق=الناس ماتعذر ظروف الزماله
قلي شسوي.؟ أصبح انسان بايق.!=هالعلم تكرم . . للوضيع . . الحثاله
منهو يحس بضيقتي فالعلايق=حرام يقنع وش سبب هالرزاله
ليه آتكدر.! والخواطر تضايق=(كل ماآتجمل يجحدون الجماله)
هو الزمن .! ولا .؟ بلاش آتضايق=والطيب مبطي للفتى راس ماله
والله ودي ماأرد الخلايق=مار العزا لله عزيز الجلاله

	ودي مهو بكيفي أرد الخلايق=واليا عملت الطيب ماهو جماله الخلق ماتعلم على ويش ضايق=مير العزا لله عزيز الجلاله ماردني فالطيب مليون عايق=كل مانخاني رجل قلنا سهاله الراس فالطنخه ترى حيل تايق=ماأقصر عن الواجب على كل حاله ماعاد بي طاقه ولازلت طايق=لاني ردي علوم وأحمل جهاله الطيب يبغى له رجل دوم رايق=والطيب يبغى له صبر في مجاله ماأقول طيب .! مير للطيب شايق=ولاأقول كامل والولي في كماله أنا رجل فعله مع الناس لايق=من راس قومن كم لهم من دلاله ويلان من ويلان عند الحقايق=مانلتفت للنقص وأهل الهزاله ربعي هل العشوا وساع البنايق=وخوالي الفدعان نعم السلاله لاجيت أفرقها . . فلا من فرايق=رجلن ويفخر بالعمام وخواله

صح لسانك ياحمدان 0000

دائما جزل وشاعر مميز000
ونعم فيك وبالعمام والخوال000
أخوك(أبو فهـــــــــــد)

صح لسانك وكفو بالعم والخال

ونعم فيك وفي خوالك وافي وجزل وماهي غريبه عليك

لا تحرمنا جديدك

تقبل مروري المتواضع امام هذه الشامخه

صح لسانك ولا هنت يالغالي دايم جزل

مشكور اخوي والله يعطيك العافيه وتقبل احترامي وتقديري لك :)

صح السانك قصيده اكثر من رائعه
شاعر جزل ومبدع دائماً بقصائدك الجميله
واسمح لي ابدي اعجابي بك كشاعر

حمدان المطرفي
صح السانك قصيده اكثر من رائعه
شاعر جزل ومبدع دائماً بقصائدك الجميله

ماردني فالطيـب مليـون عايـق

كل مانخانـي رجـل قلنـا سهالـه

الراس فالطنخه ترى حيـل تايـق

ماأقصر عن الواجب على كل حاله

كفو ونعم والله

جزل ياحمدان

صح السااااااااااااااااااااااااانك

حمدان المطرفي
صــ السانك ـــح
قصيده اكثر من رائعه
شاعر جزل ومبدع دائماً

تقبل مروري المتواضع

اخوك ابو سلطان