السلام عليكم ورحمة الله وبركاته
اولاُ اعتذر عن طول الغياب ويعلم الله انكم على البال لاكن اشلتنا الدنيا
ودامني جيت ماجيت الا بالجديد الي يجمل انشالله
ياصاحبي لوهي قصايد وقيفان = كان انت تدري وش بقلبي دلايل
وياصاحبي لوهي معزه وصيوان = انت المعزه صفوة عيال الحمايل
ولونها بتوقف على بيع (عليان) = كان الفحل تقفاه خيلً اصايل
مار انها صارت على غير برهان = وشمس الضحى تطلع بعز القوايل
وان جيت صوب البيت صوت (يسلطان) = تراه ذيب ولامشى بالتحايل
وقله علام الكيف مايروي الضميان = وصاير على قولت هل العرف عايل
وليا مشيت ووجهتك صوب بنبان = مر الحسي واقلط على ضهر حايل
هذي سلوم وغيرها مالنا شان = وهذي عوايدنا من اول سلايل
الطيب كايد والعفن ماله اخوان = وعن طيب راسك لاتدور بدايل
بس البلا لاصرت ضايق وطفشان = وهمك تراكم مثل مزن المخايل
ولا لقيت من الطفش اي بيبان = ومن زود ضيق القلب دمعك تهايل
ويارايحً بالقاف سلم على انسان = تلقاه واقف والهلابك جزايل
ثم علمه بالعلم والعلم نيشان = وقله ترى صارت علينا هوايل
وقله ترى صاحبك بالحيل منهان = وحدوه عن طيبه رجال الفشايل
الطيب غايب والردي صاير حصان = والشيخ تالي الوقت مامن صمايل
لاكن على الله يطلع الفجر ويبان = جزل القوافي مع غموض الرسايل
ومتى على الله رجعتي صوب (عليان) = والله لبيع الروح واشريه فايل
هكالفحل يابوي حبه زما وبان = وهليت لفراقه دموعً تسايل
وان قلت فوه جاوب القلب غلطان = وشلون فدوه وانت زوله تخايل
(عرض القائمة)
الأعضاء الذين شاهدو الموضوع : 0
(تعيين)
الطيب غايب والردي صاير حصان )( والشيخ تالي الوقت مامن صمايل
العرض العادي
