مقترحات مطرفية لكشتة برية

السلام عليكم و رحمة الله و بركاته

بمناسبة قرب الشتاء حيث الطلعات تحلو قلت ابعطيكم فكرة عن الاشياء اللي ممكن تاخذونها معكم لا بغيتوا تروحون للبر وتفلونها وتستانسون
انا ابي اعطيكم نبذه عن ادوات الطلعه وإذا مـا أعجبتكم لا احد يصارخ علي

أولآ
اعزم امرك وتوكل على ربك

ثانيـآ
جهاز كنود أو أيكوم + إريل (وركب قاعدة إذا مار كبت) + فيوز احتياطي لسلكه + جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات

ثـالثآ
فــراش + فرشه + اربع مدات على شان النار + بعض الملابس إذا انت تبي تجلس اكثر من خمس ايامـ شنطة تـشمل ( بعض الملابس الداخلية * شرابات (تكرمون) * شماغ * ادسوس * كنادر (تكرمون) * بجامه * فروه * صدرية أو سديريه *طاقية صوف .......إلخ وشف اللي يجوزلك و خذه

و البدوي مهو ماخذ هالبلاوي كلها اللهم ثوب شتوي و هدم يدفيه و شماغ و فروته على ظهره

رابعـآ
ماطور هواء + عيار هواء + رقع تيوبلس وعدة الرقعة + بلف هواء + مفتاح الكفر (الصليب) + سيور إحتياطيه + عدة فك وربط + واير سحب + كشاف + بطارية + لمبة + شمعة لمبة إحتياطيه + فاس و كريك + دسوس للحطب

خـامسـآ
حطب + فحم + كبريت + ولاع فحم وخياش للحطب والله يخلي خياش الشعير بالبر + خيمة و أطناب.... أو رواقات أو شراع أزرق + حبل أو سبته للفرش بالحوض + ساعة خراشة إذا كنت خايف على جوالك من المطر المفاجئ لصلاة الفجــر + ليين واحد للماء و الآخر للبنزين

سـادسـآ
كاميرا تصوير أو كاميرة فيديو طبعآ من أجل ان تصور من اجل الذكريات الجميله + أشرطة فديو و ذاكرة للكاميرا + شاحن كاميرا + شاحن جوال للضرورة

سـابعآ
أدوات طبية: لصق جروح * مقص صغير * شاش * قطن * مضاد سم * فيفادول + بنادول + مـرّه + عويدي لتوقيف الدم + ملقاط شوك + إبره + خيط + مشرط صغير

ثـامنآ
جراكل ماء + جراكل بانزين إذا انت تبي تبعد مرره + ثلاجة للسوائل (بالصيف) + ثلاجة للحم و الصيد

تـاسعـآ
قدر كاتم + صفيرته + قدر إضافي + قلاية كبدة و مقلقل + صحون + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية + قمقوم قهوة + أبريق حليب + بيالات+ فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذرى + أسياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي+ نعناع + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + حليب السعودية والا الرعيان مايقصرون + طحين بُر (للحرف) + زيت + مــــــلح + بهارات + صلصه + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + فلفل + ثوم قرع + كوسه + رز + خبز + شابوره + قرص + ثـــــــلج * مياه صحية * + لحم + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات البيض هههههههه

عـاشرآ
أكياس زباله وإلا تدري احفر حفره وحط فيها بلاويك وإذا خلصت احرق أبو اللي جابها ههههه + أكياس لحم للضروره + تايد + صابون و لا تدري صابون البدو أزين (التراااب بوجه العدو) + ليفة سلك وسفنجه + مناديل

و أخيراً لا تنسوا اللي كتبها و جهزها من دعواتكم و ردودكم الحلوة

منقول مع بعض التعديلات و التصرف

تحياتي و أشواقي المطرفية

مشكور وتسلم اناملك على النقل

بس الشمال جانا البرد من زمان وابشرك طلعنا وخيمنا ورجعنا قبل الدوامات

فيه تعليق اللي هو على القارمن والماجلان هي فعلا مفيده وحلوه ولاتستغني عنها

لكن والله على كثر طلعاتنا للبر ماتذكر اني اخذت واحد منها ولا اعرف استخدمه بعد

لكن مشكور من جد والله يجعلها في موازين حسناتك

يعطيك الف عافية على النقل البر يازين البر وين النشاما

محبكـــ
ابو مشعل

يعطيك العافيه اخو ومشكوررررررر

يعطيك العافية اخوي متعب

نقلت فأحسنت الاختيارت ... وتصرفت فأبدعت

اخوك ابو نواف

أشكر الجميع على التعليقات الجميلة
و شاكرمروركم

يَعًٍطُْيَكَ آلعًٍآفْيَهٍَ آخٌِوٍيَ مًشًِْكَوٍوٍوٍوٍوٍرٌٍ وٍمًآقٌٍصٍْرٌٍتُِِّْ

مشكوووووور والله يعطيك الف عافيه

مشكور اخوي على النقل تقبل احترامي وتقديري لك