قصيدة بالمرحوم / عبدالله بن عواد المطرفي الله يرحمه
بقلم الاخ الشاعر / شالح الحربي حفظه الله
ياضيقتن بالصدر باتت تنوحي = الله كريم وتالي الامر بافراج
عيا خيالك ياعبدالله يروحي = هذا الخبر ماهوب من علم هراج
جاني الخبر وماعاد بالقلب بوحي = انا اشهد انه صار بالجوف وهاج
اكتم العبرات وفالصدر فوحي = يصلي كما صالي الضوء للصاج
الطيب ساسك والمراجل تفوحي = ياجعلها تفرش لك القبر ديباج
يالله ياللي لك شكيت الجروحي = تجعل له من الضيق في القبر مخراج
تجعلها جنات النعيم الفسوحي = وتجعل له من النور ضي و اسراج
وتجعلله فالفردوس الاعلى صروحي = يقطف ثمار الفاكهة من دون اسياج
ويالله بالجمعا اللي مابعدها تروحي = وتجمعنا بالغالي في قصور وابراج
رضاك يالرحمن مطلبي وبوحي = تجعل كتابك لنا طب وعلاج
والخاتمة صلوا على الهادي النصوحي = اللي شعل دروبنا من خير منهاج
واقول للشاعر / شالح الحربي حفظه الله
صح لسانك وبيض الله وجهك