انا خوي اللي على الطيب عزام
يالله ياعالم خفيات الأرحام
الخلق يفنا وانت وجهك يدومي
يالله ياللي ترزق الطير لاحام
تفكنا من حاميات السمومي
لاضاقت الدنيا على كل ضرغام
يصبرولا يرجي خطات الأرخومي
يكفخ بجنحان السعد مثل غنام
ايضا وعن بعض المعفنه يشومي
لاضاق صدري جيت في عال الأرجام
رجم طويل بعاليات الحزومي
ولاني على بعض المخاليق لوام
دنياك ماذكرت لحين تدومي
ومادمت انا حين ويمشن الأقدام
ورزقي على الله مايبيله اعلومي
وبعض البشر عايش مع الناس خدام
عظمه قوي وعاجزن لايقومي
يقوله ابن احميد في ماض الأعوام
من لاتعلم ماتفيد العلومي
انا خوي اللي على الطيب عزام
ولاني خوي مضيعين السلومي
وقلته وانا مشي مع الناس قدام
ولا خاوي الا الطيبين القرومي
ربعي هل العشوى على روس الأعلام
ازحول الرجال وحافضين السلومي
وقصيرهم يحشم عن الضيم مايضام
يبقى عزيز وبالجوار امحشومي
وكل القبايل عندنا اعزاز واحشام
مثل الحرار اللي بسماها تحومي
وصلاة ربي عد ماتخط الأقلام
وعداد ماتنشي اثقال الغيومي
|
(عرض القائمة)
الأعضاء الذين شاهدو الموضوع : 0
(تعيين)
العرض العادي
