يومن غيرك يا علي صك بابه

اللهم إرحم العم أبو مشعل / هلال علي الذيب واسكنه فسيح جناتك يارب العالمين
ما شاء الله على عياله حتي بعد موت أبوهم لا يزال باب مجلسهم مفتوح

لا واهنيك يا علي بفكة الباب @@ يومن غيرك يا علي صك بابه

إدلال صفرى والنجر حيل جذاب @@ جذاب لأهل الذوق وأهل الذرابه

ما هي غريبه ... ذيب ومن سلالة ذياب @@ والذيب والله هلال ولد الذيابه

كأن ابو مشعل على القاع ما غاب @@ ما دام عقب يا علي هيس لابه

دايم وأبو مشعل على الكود ضراب @@ لا قيل ذا .. كايد ضحك ما درابه

وليا نخيته جاك كله بمشعاب @@ ووقت السهل والجود كله حبابه

الله يرحم شايبٍ (ن) مات ما غاب @@ ما غاب ذكره لو دفن في ترابه

حيثه ومركم يا علي بفكة الباب @@ يومن غيره يا علي صك بابه

ابو سلطان / محمد مطر هزاع المطرفي

اخي\ ابو سلطان \ صح لسانك\ ومن حصل شي يستاهله

ابوشريف

اخي ابوشريف صح بدنك وشكرا على متابعتك

صح لسانك ابو سلطان نفتخر بكل مطرفي صيته وعلمه غانم بين ربعة وغير ربعة ويستاهل المدح ابو مشعل رحمه الله حسب ماسمعنا عنة والناس شهود الله في ارضه الله يديم الطيين والعلم الغانم بينهم