النقل من اخطر طرق صيد الصقور ..

بسم الله الرحمن الرحيم
السلام عليكم ورحمة الله وبركاته وكل عام وانتم بخير
بعض الاخوان يستهينون بطريقة الصيد بالنقل بينما هي طريقة خطرة ولا تستخدم الا من قبل صقارة متمكنين من انزال النقل بالطراد او يثقلون النقل حتى لايروح بعيد
لاتفك النقل وانا اخوك الا قدامك طير تحاوله ومعك طراد جيد ينزله

اما اذا فكيت نقل وارتفع وابتعد عن نظرك ربما يشبك فيه طير ثمين وانت ماتشوفه ويموت هو والنقل ويمكن يهد عليه عقاب ويذبحه ويمكن ان النقل بعد الحوم يوقع على غصن وينشب ويموت ويكون الاثم عليك

واعتقد كثير منكم شافو حقبيات وشبابيط ميته في الشجر واتذكر سالفة قديمة احد الصقارة لقى شبوط ووكري وفرخ حر ناشبين الثلاثة في نقل وكلهم ميتين واثمها على من فك النقل واهمله..... نستغفر الله العظيم من كل ذنب

النقل فيه تعزير للطيور وكل انسان ذنبه على جنبه

معلومات قيمة يعطيك العافية ابو رزان

المشاركة الأصلية كتبت بواسطة مشعل خليف المطرفي

معلومات قيمة يعطيك العافية ابو رزان

اسعدني مرورك الكريم اخوي / ابو خليف