ديوان جوهر البيان في مدح بن فهران

يابيض الوجه تشكر الطيب والمعروف ركز احرابه
عندك وعند الغانمين يتعسكر يالوايلي والسيف يلمع انصابه
وسيفك نهار اللازمه مايتكسر نهجك على سير الهدى والصحابه
وبابك مشورع للوفاء ماتسكر مااقولها محتاج ولا لي طلابه
حبيت ابين للملاء شئ يذكر
الشاعر/ صبار بن عابر الحسني العنزي

غيث في وجهك وفي كفك مطر لاغدت ارض اللقاء قبلك جفاف
لي شرف لو بس اسطر لك سطر حب والا بالمواقيف اعتراف
والله انك انت بالعالم قطر له مدار وجاذبيه واحتراف
انت عالم له مدار وله اطر منحه الرحمن للناس الضعاف
يوم الاعياد والضحيه والفطر انت عيد النخوه وكفوف العفاف
الله كم صايم على يدك فطر وكم سجين من يدك جاه انصراف
وكم مصايب ناس واهوال وخطر جا لها بيدك على الله اقتطاف
انت يافرحان تناما بطر راس قوم ونهر رزق وعهد واف
فيك ثقل جبال وانفاسك عطر اثقل من الالب واعضاءك خفاف
وانت ماربي خلقك الا مطر تروي اليباس والسبع العجاف
الشاعر / صالح سبتي الشدوي الزهراني قالها بفرحان بن فهران لوقوفة معة واطلاقه من السجن

________________________________

اشكر الاخ صالح الشدوي الزهراوي علي مشاعره الجياشه تجاهي

السلام عليكم

فرحان لامنا بغيناه نلقاه =يرسي كما ترسي الجبال الرواسي
ماغيرت دنياه طبعه ومبداه = قدرة مكانه بين عيني وراسي
من لابتن على الجمايل مضراه = نعم بهل العشوى ربوعي وناسي
مشبته عود على الطيب يمناه = غانم ويزهاه المكان الرياسي
يمدح جنابه كل من زاره وجاه = من شاف شخصه مايصيبه عماسي
المطرفي ياكيف اعدد سجاياه = بالطيب وعلوم المراجل اسياسي
خمسين عام أطويق شامخ بمبناه = الحر عينه ماتطيق النعاسي
ياكثر مايفزع لنا لاعدمناه = لين وبالشده محنك وقاسي
فرحان أبن فهران لولاه لولاه = ماقلت طاروق القصيد الحماسي
راع الوفا والطيب وشلون ننساه = يفداه عباد الذهب والكراسي
الله عطاه وسدد أخطاه وأغناه =حكمه ودين وطيب ماله قياسي
في منهجه ثابت وواثق بممشاه = من شاف أبو سلطان ينسى المآسي
وقت الشدايد وقفته تقهر أعداه = معدن ذهب ماهو بمعدن أنحاسي
ماقل دل وزبدة الهرج معناه = ولاينبني بيت عللا غير ساسي

قال القصيده الشاعر مروي الحسني العنزي بالسيد فرحان فهران المطرفي العنزي

سلام يافرحان ياطير حوران = ياللي من علومك عند الاجواد شاعت
الخير جعله فالكم يابو سطان = والغانمه عند الرديين ضاعت
الطيب ساسك والكرم يابن فهران = صحيفتك عند المشاكيل ذاعت

الشاعر الكبير وجامع شمل عنزه كريم الذايدي العنزي بالسيد فرحان فهران العنزي

فرحإْن فهران المطرفي العنزي
---------------

فز الخفوق وزان بدع الطاوريق =وكتبت من بستان الاشعار باقه
وطوفتها بالمسك والورد تطويق =واهديتها لأغلا وعز الرفاقه
مخلوق يفرق عن جميع المخاليق= نعم الصديق اللي يصون الصداقه
بعض البشر اليا حضر يبعد الضيق=وان فارقك بانت مضاهر فراقـه
وجهه بشوش ومن رجال مطاليق =ومن عانده علقم المر ذاقه
وبعض البشر ينغت كما طيربطريق =مابه جميل وضايقات اخلاقه
طبعه خسيس ويسوقالهرج تسويق =وحتى الرفيق اليا غفل عنه باقه
واليا نصيته قاليالربع ماطيق =مالي معاكميالرفاقه علاقه
وانا ليا ضاقتعلى مضاييق =والقلب به نيرانزاد احتراقه
نصيت ابو سلطانقرم المطاليق= كم واحد بالسجنيطلق وأثاقه
فرحان بأيام السنين المشاريق =مثل الصخورالصم صعب اختراقه
وعنديعلى قولي اشهود ومواثيق =كمواحد محتاج فك اختناقه .

-----------
الشاعر محمد حسن القيسي

عز الله انك تستحق القصايد = افعالكم ماهي علوم خفيه
مدح بابو سلطان صدق وكايد = رد الثنا مطلوب في كل نيه
فرحان ابن فهران بالطيب جايد = بشكره واهديه مني تحيه
ابيات شعر من افكاري فرايد = يستاهله حيثه عزيزاً عليه
ديوانكم مكتوب فيه الشهايد = مدحاً على الفزعات والغايريه
طيبك ينومسني وانا فيه زايد = طيباً على معناه له قابليه
تمدحك ناس من جميع البدايد = البعض منهم مطلعه من قضيه
من لا تجمل في اوقات الشدايد = وقت الرخا كلن يجود بخويه
ودي بابو سلطان نكتب جرايد = خاله وبالقيفان حقه على
يفداك عفن عن لرومه يحايد = لا نخيته مالقيت الحميه
يصرف حكي والفعل مامن فوايد = قضى حياته بين روحه وجيه
واقبل سلامي والبيوت الجدايد = والمعذره ان كان مني خطيه

الشاعر/ حوري الحركان المضياني العنزي

قصيدة مهداة للشيخ/ فرحان فهران المطرفي العنزي

المطرفي فرحان حاتم زمانه = قول مثبت مايبي فوقه أشهاد
الطيب نهجه والفصاحه لسانه = راع الوفا راع الكرامه والامجاد
شيخ تعلا واعتلا فوق شانه = على سنام المجد في كور وشداد
حكمه نباهه عقل علم وفطانه = وصدق وصلابة راس وعزوم وعتاد
تلقاه في صدر المجالس مكانه = يبرم عقود الصلح ويحل الاعقاد
الله عطاه الجاه ثقل وتكانه = ياطيب شيخ يحفظ الملح والزاد
من صادقه يلقى الكرم والميانه = وسوالف حلوه ودله وبراد
عنده خويه واحد من اخوانه = من لاعرف مثله لاخاوى ولا فاد
وجه وجاه وكفو والله أعانه = تلقاه في وقت اللزوم على الماد
يعطى على قول الصراحه ضمانه = ويوفي مع أهل الطيب في كل مرصاد

يشهد على فعل الجميله بنانه = سداد من ماله وبالجاه سداد
يكتب له الخلاق عالى جنانه = في المحشر اللي حطه الله ميعاد


الشاعر/ صالح مخضور المطردي السلمي