ديوان الشاعر / عبدالله ثاني المطرفي

	يسعدني ان اضع بين ايديكم نص اخر ماكتبت واتمنى ان تنال اعجابكم ورضاكم بــيـــــــوت جــــدايــــــــــــد قــال الذي عنـده بيـوت جـدايــد = = نظـم بنـات الفكـر والفكــــر وقــاد الوقت يمـلك بـه علـوم وشهـايــد = = تلميــــذ في دنيـــاه هجـــره وميلاد ماخــذ من الجــن تسـعة قلايـــد = = وخمسـة عشـر حـراس بسـيوف وغماد ادعي كبـار الجن وقــت الشـدايــد = = اســـرح واضــويها على عشرة بلاد اعطيك لمحه وخلي ناقص وزايد = = واســمع لي ابيـات ثقيلات وجداد دنيـاك هـذي كـل ابوها زهـايـد = = يربح بها اللي يكـافح النفس بجهاد احـد على مركـاه حاز الفوايـد = = وكـم واحـد يبذل جهـوده ولا جــاد تقلبت وقت العصـور البوايــد = = تقبـل وتقفـي بيـن مصــدر وميــراد الله خلــق النـاس فيــها بدايــد = = وكـل على اصـله من العـــرف يــزداد والنـاس كـل له ســلوم وعوايـد = = وكــل علـى ماقيـــل للســلم ينقـاد احرص على الطيب ولو كان نايد = = تطـرب على فعله مجــاويـز وافــراد والطيب طيب وكاهل الطيب كايد = = ما يقتصر فعله على سفرة الزاد واللاش ولد اللاش لو كـان قايـد = = مثل النتـن لا عـاده الله ولا عـاد ولصرت في مجلس وناسه نكايد = = ماعـاد لك في مجلس الســو مقعاد واحذر من الهذار راع العصايد = = لمن لقى التشجيع يشــمخ ويــزداد يجيـك طبخـه مالغ ربع جايـد = = ويطـرب لطبخـه كل مالغ وعصـاد عما يقـول طعنـي خلك محايد = = احـذر على ممشاه تمشي وتنـقاد اما كسبت الذنب والا النقـايـد = = ويصبح عليك اللوم من بين الاجواد وفالصمت حكمه والمزايا عدايد = = وحكــي القفا سـموه سكين الاكباد والكذب ظلما واعرف الحق سايد = =واعن الخطا رجعه وللحق ميعاد والموت مثل الصبح كل يوم عايد = = يامــا خطـف منا رجاجيــل واولاد راح الفهد والشيخ عيسى وزايد = = وصــدام ضحيبه على ســور بغداد الشاعر عبدالله ثاني المطرفي ابو ثاني

	ربعي هل الطولات قسم الطوابير هاض الضمير وسطر القاف تسطير==يملي عليَ الجن من خمسة اجنـاس الراس تقرع به اطبـول ومزاميـر==وجتني على وضح النقا كلها احساس اخذت امايز بيـن الافكـار واديـر==امدح بها ربعي هل الدرع والطـاس يوم العرب مابيـن غيَـار ومغيـر==وكلٍ يبي من زايد الفعـل نومـاس ربعي هل العشـوى ولافيـه تذكيـر==اللي لهم في عالي المجـد نبـراس ربعي هل الطولات سقـم الطوابيـر==لقرعت طبول المعـارك والاجـراس مركاضهم يشبع به السبـع والطيـر==من هازهم في الوقت يرجع بالافلاس قـبٍ تنـازي بالنشامـا المناعيـر==راجوا عليهم يوم الاريـاق يبـاس خيالهـم مايعطـي الظهـر وينيـر==كنه إلا من السطر معطـي الكـاس فعله يشادي فعـل ابازيـد والزيـر==لرخصة الارواح من فوق الافـراس هذا وحنـا نحمـي الجـار ونجيـر==وإلافخر مايثبـت إلا علـى سـاس وصلوا على الهادي رسول التباشير==شفيع الامه يـوم الاعمـال تنقـاس الشاعر عبد الله ثاني المطرفي ابوثاني

نزلت للسوق ادورسعر الاطياب

	نزلت للسوق أدور سعر الاطياب 00أدور الغالي اللي من الغرب مجلوب حيث اني مستعرض النادر على اللاب 00 ماهو مثل بعض الصناعات مضروب حصلت شفي عقب شرهات وعتاب 00 ومطمعه اني عميله على دوب أخذت فاتورة محله بالحساب 00ودخل علينا زاهي اللبس نبنوب بدا كما بدر (ن) تجلى ولا غاب 00 من البطر يسحب عباته مع الثوب عين العديم اللي على راس مرقاب 00 والخشم سلة سيف ما تحصل عيوب والا الشفايف بين توته وعناب 00 والاكما شهد النحل فيه مصبوب ضحك لي واغضى وسلهم بالاهداب 00ولاني من اللي يفهم العلم مقلوب قربت منه وبادل اعجابي اعجاب 00واعطاني وريقه بها الشرح باسلوب كلمني وانا اسمع الصوت باسهاب 00 مثل اليتيم اللي على الحال مغلوب صم الصفا لوهو يسمع صوتها ذاب 00واستغفر الله يمكن يسيح ويذوب دخلت بيته وانا خايف ومرتاب 00 بشويش مع كل خطوه افتر وألوب جاني يمشي يطعن القلب بحراب 00 يادوب يستر جسمه قماشة الروب قالت لي هيتا لك مادوني حجاب 00 الليله ينفذ لحضرتك كل مطلوب وتبعت غي النفس والغي غصاب 00 ورحمني ذكر الموت والموت لاهوب قلت ترا العمر يابنت قافيه حساب 00وعمر الفتى يابنت باللوح مكتوب وصابتني خشيه وكل شي(ن) له اسباب 00وحلفت لـ(أخلف)هوى النفس واتوب قلت دخيل حماك يارب الارباب 00 تكفيني نفسي ما أقدر اتحمل ذنوب ياويل قلبي لغشى جسمي تراب 00وحطو على قبري نصيبه من الطوب وعرضت اعمالي ماتنفعني ألقاب 00 يبكيني منظر منهو للنار مسحوب وقفيت عنها ومعايا النصح ما ثاب 00 وهجرت اللي عرفته كلها ذنوب شاعر عبدالله ثاني ابو ثاني

	حنا هل العشوى اليوم في النشرة سبعة وعشرين--اخر شهر اثنين قلناوجينا روجنا للفكرة من قبل عامين--ونزلنا من دون الحفر والتقينا مطارفه هل الردات عشوى المسمين-اللابه اللي من وفاهم وفينا عهد علي لسوقها ايسار وايمين--واقدح مع الشعار علم يبينا تمشي على مااريد جن السلاطين--غصبن عليها تلبي لامن دعينا اقرا عليها أيات طه وياسين--حدام يخضع والجيش يملي علينا حنا هل العشوى زحول الميادين--ياما بسوق الموت بعنا وشرينا ماعندنا في الكون ياكود امرين--والابشوف الثالث ماشقينا اما بنصر يطرب البال والعين--والاتراب الارض دهدم علينا الجار دام ينزل المنزل الزين--لوهو غريب الدار يحسب حدينا تشهد لنا شمر سكارا المجانين--اهل اللحيسه من قديم السنينا عند النفيشي لين ثارت براكين--وكل يبي النوماس فعله يبينا بيعت الارواح من دون تثمين--خوف من انه يعلق العار فينا وصحنا صيحه تجلي الخاطر الشين--وركبنا فوق ظهورها وانتخينا الروس تحذف مثل حذف البزارين-لين استوت الحرب علم يقينا وحنا هل العشوى نبدل قوانين--حين طاعوا في المجنا عصينا وحنا هل العادات قول ومضامين--دايم من فعول الطيب تندا يدينا حناوحنا من هكا الدور للحين--نوزن في جور ايامها لرتكينا وصلوا على الهادي ختام النبيين--الي هدانا لحق ربي واهتدينا الشاعر/عبدالله ثاني المطرفي ابو ثاني

	هذولا كبـــار الجن عرافة الصنف دف دف دف ددف دف دف## معروفه هذي اصوات طبلات ودفوف ماهي حكايا قوم ناظرني وشف## خابر سـنع طروقها قبل لا أشوف اقرع طــار تحضيرة الجن بالدف ## امرها تنزلي من جبال وكــهــوف حدام اثبت قدامي سلم ووقف ## واعرف انك بالامر ملزم ومكلوف صــفيه مع مرجان وبتاع والكــنف ## ونمـــره ونمـــرود والزاو والعـــوف وقرنب وحداي مع قاري الكف ## مع ماردة جبال نجران وشنوف ومالك سبع الابحار ثبار والحنف ## وحاكم الوديان مع مارد الجوف هذولا كبار الجن عرافة الصنف ## صغيرهم من عهد داؤود معروف العــهد بينــنا ملزم وموثق بحلف ## يجون علي باروع اشكال وصنوف صاغولي الاشعار من نادر الحرف ## تغوص لأجلي سبع الابحار وتطوف اخــذ انقــض افتر وادور والـف ## حتى يجي قــافي مطـــرز وملفوف والشعرانا اغرف من جمته غرف ## وعلي لا هو مكلف ولاهوب مكلوف وان كفو الشعار حالف فلا اكف ## ولا يرتعد قلبي من الذل والخوف بالغزل بكــتب لكم بيتيـــن بالترف ## لاقبلي ولابعدي ولاغـــير معروف الشاهد الله يملكني النصف بالنصف ## وتمثال حبه داخل القلب مصفوف اسج ومـني دمعــة العيــن تذرف ## ثابت غلاه بقــلبي ماهوب محــذوف ومن الحــكم ارضك لـهايــوم ترجف ## اثــقل جبل يطلع مدهده ومنسوف من هــولها صـميدع الـقلب يختف ## يطير طــويق كنه القطن والصــوف تعرض على باريك كتبك مع الصحف ## والمسعد اللي عن هكاليوم محروف وحميتي بعروق دمي تجري وترزف ## افتخر بالعشوى على الناس واشوف وانا على الـقـمه مــاني على جــرف ## مطرفي من وايل مسلسل ومعروف وبالذات انا عمله تصعب على الصرف ##تحت حكمي تخضع شعوب دانوف عبدالله ثاني المطرفي

	هيه يالغادي ترى دربك ايسار == وهذا رايي كان تبغاني اشور انت ياغاد البخت غادي افكار == وانا عارف خلاصي ماني بمعثور لا ضاقت الدنيا ولا ضاقت الدار == ولاني على بعض الصداقات مجبور لاراجـــــي جـــنه ولا راجي نــار == ايضا ولا راجي بساتين وقصـــور عزالله افرح بالنشامى هل الكار == واني معاهم بالوفاء وافي شبور اللي بغاني له حشمه ومقدار == شاكر له شعوره مجمل ومشكور واللي كرهني ماني فيه محتار == القصر شامخ ماهدم الساس عصفور ماهو لزوم تلفت كل الانظار == ولاهو لزوم معكم الف وادور ماني مرضي الناس في كل الاقطار ==ولاني موحدهم على قلب وشعور خلي تــايه الراي ترضيه الاقدار==خــله لحاله يميز الليـــل والنـــور ماني الله اغير قناعات وافكار == ولاني عصا موسى على جانب الطور وان عودت لملاحم الشعر شعار == وكل(ن)حضر من سراياه طابور انا البحر يكفيك شــره لياثـــار == كـــم نسف بغمضة العــــين بابور وانا الحـــلو المر والحامي الحــار == ادمي بتفكير جني عاقـــل ومســـطور كانك تبيني ياابيض الوجه بيطار == وكانك تبيني ياابيض الوجه دكتور

	صح لسانه مشكوووووور والله يعطيك الف عافيه تقبل مروري اخوعبد العزيزطراد