لولا الحيا ومسابق الطيب والجود //// ماشفتني ياصاح صدري شمالي

بسم الله الرحمن الرحيم

السلام عليكم ورحمة الله وبركاته

مسّاكم ... صبّحكم ... الله بالخير والصحه والعافيه

أتمنّى أن ترقى لذائقتكم الشعريه :

لولا الحيا ومسابق الطيب والجود=ماشفتني ياصاح صدري شمالي
ولولا إن بعض الهرج ياتيك منقود=لقيت صمتي للملا راس مالي
وإن جات زله من هديفه ومقرود=ماحرّكت شعره ولاضاق بالي
أنا رجل واثق ولاأعتاز لشهود=حتى تزكّيني على قدر حالي
ونا الذي لاجات للنعم والزود=خذيتها لو كلفتني حلالي
ربيت فالدنيا ونا رفعتي عود=متنومسن بإسمه على أول وتالي
أصبر وصبري لو على شمّخ الذود=تبرك.. ونا متني جبل فوق عالي
ولوّ الليالي في عيوني غدن سود=أصبر على الدنيا و جور الليالي
وإن عادت الفزعه مع قروم وسنود=حولي بني عمي وحولي خوالي
كل رجل بالدنيا له خطوط وحدود=حتى لو إنه كان بالعين غالي
خطوا رجل يمزح على غير مقصود=يجيب له منقود لو كان خالي
وعمر التكبر مارفع آدمي زود=الكبر لله والبقى ياحلالي
بكره تموت وياكل بجسمك الدود=ماهو بنافعك الكبر والتعالي
العقل نعمه .. والجهل ماجلب فود=مار إن بعض الخلق ماهو مبالي
كنز القناعه فالرجاجيل موجود=والحمد لله دام صدري شمالي

أخوكمــ /

حمدان بن ربيّع المطرفي العنزي

ابداع لايصيغه الا حمدان
هدوء واتزان .......... حكمه واتقان

ادام الله هذا الابداع ولاحرمنا الله
وجودك
وفقك الله للخير دائما

صـــــــــ لسانك ـــــــــــح
وعـــــــ شانك ـــــــــــلا
والنعم ولو ماتحتاج قولت ونعم
تقبل تحياتي مع هذه الابيات المتواضعات على إستحياء من شخصكم الكريم

المطرفي حمدان ماعنه منشود = المطرفي حمدان شاعر مثالي
أبيات جزله ماتبي أية إشهود = يكفي كتبها مطرفي يا حلالي
حكيم في حكيه مثل برق ورعود = إعلاج سليله بلسم للرجالي
المطرفي حمدان للنعم موجود = المطرفي حمدان صدره شمالي

مشكور اخوي على الطرح الاكثر من رائع بارك الله فيك

لــكـ خــالـــًص الاحــــتــــرامــ والــتــقـديـر
دمــــت بــــوافـــــر الــــصـــحـــة والـــمـــحــبــة

صح لسانك اخوي حمدان دائما الابداع مقرون بك ابيات هادفة وهذا مانريدة من الشعراء ابيات تحث على العادات الكريمة والاخلاق الاسلامية

لو الليالي في عيوني غدن سود
اصبر على الدنيا وجور الليالي
كفوووووووووو


صح الساااااااانك

دائما مبدع

لولا الحيا ومسابق الطيب والجود=ماشفتني ياصاح صدري شمالي ولولا إن بعض الهرج ياتيك منقود=لقيت صمتي للملا راس مالي

صح لسانك اخوي حمدان دائما الابداع مقرون بك ابيات هادفة وهذا مانريدة من الشعراء ابيات تحث على العادات الكريمة والاخلاق الاسلامية (اخوي محمد مطر الحويل صح لسانك تسلم شاعر وردك جميل)

الاخ حمدان المطرفي....
شاعر متمكن من الشعر...
وقادر على تاثير كل حواس المتلقي..

تاخذنا لنا بكل نص يغوص باعماقنا....للشعر معك نكهه خاصه

	صح اللسانك ياخوي حمدان وتقبل مني الشكر وان كان اخطيت وامنت جساس مليون زير بين ربعي وناسي

صح السانك اخوي حمدان