<!-- open content container --> <div align="center"> <div class="page" style="width:100%; text-align:right"> <div style="padding:0px 25px 0px 25px" align="right">




أهلاً وسهلاً بكم في منتديات قبيلة المطارفة الرسمي من عنزة ,,,,,, في المنتدى الأول لقبيلة المطارفة على شبكة الإنترنت ,,,,,, تنويه : جميع ما يطرح في المنتدى يمثل وجهة نظر صاحبه ولا يمثل وجهة نظر إدارة المنتدى ,,,,,, تنويه : على جميع الأعضاء الرجوع إلى منتدى القرارات الإ دارية والإطلاع على شروط وضوابط منتديات قبيلة المطارفة الرسمي ,,,,,, تنويه : لا يحق للعنصر النسائي التسجيل في المنتدى فأهلاً بهن في زيارة المنتدى للقراءة والإطلاع فقط ,,,,,, تنويه : على جميع الأخوة الكرام الذين ينتظرون التفعيل مراسلة إدارة المنتدى ,,,,,, والتعريف في أسمائهم الشخصية لكي يتم تفعيل العضوية لهم والإحتفاظ بها في سرية تامة عند إدارة المنتدى ,,,,,,, شاكرين لكم حسن تعاونكم كلمة الإدارة


 
العودة   منتديات قبيلة المطارفة الرسمي من عنزة > المنتديات الأدبية > منتدى الشعر المنقول
 

منتدى الشعر المنقول يختص في جميع القصائد المنقولة

إضافة رد
 
 
أدوات الموضوع انواع عرض الموضوع
 
 
قديم 01-07-2015, 04:58 AM   رقم المشاركة : ( 1 )


الملف الشخصي
رقــم العضويـــة : 544
تـاريخ التسجيـل : Nov 2009
الـــــدولـــــــــــة : الدمام
عدد المواضيـع : 5
عدد الـــــــردود : 28
المشاركـــــــات : 33
آخــر تواجــــــــد : 04-06-2016(04:09 AM)

اخر مواضيعي


افتراضي قصائد طريفة للشاعر سعود المطيري

السلام عليكم ورحمة الله وبركاته

تقبل الله صيامكم وقيامكم وصالح اعمالكم .

اليوم جايب لكم كم قصيده للشاعر : سعود المطيري

طبعا الشاعر قصايده كلها في مواقف محرجه من الناحيه الماديه


في يوم من الايام وهو بالمسجد بعد ماسلم الإمام قام شحاذ
يشتكي أموره على المصلين لعلهم يساعدونه
وهو يتشكى كان مركز بعيونه على سعود ..


قال له سعود هالأبيات :










يا ابن الحلال اللي تشكى علينـا - حنّا لنا بوضع على الله مشاكيه


كانـك تحـرى للعطـا مـن يديـنـا - عزالله إنك عندنا مـا أنـت لاقيـه


ماهو ردى بس أرثع الوقت فينا - ماعنـدنـا ماناكـلـه دون نعطـيـه










وفي قصه ثانيه كان طالع من المسجد ولقى بنت تشحذ ورافعه
يدها الى الناس .. فقال :









يابنت ياللي بالمساجد تطوفيـن - كفـي يدينـك قبـل نـأخـذ ريـالـك


حـنـا تـرانــا كـلـنـا مستحـقـيـن - ماهو أنتي اللي مستحقة لحالك


لو لا الحيا شفتي وزانك ثلاثين - أحـد يميـن منـك وأحـدٍ شمـالـك


مرفـعـيـن إيديـنـنـا ومتقـاعـيـن - الموجب إن أحوالنا مثـل حالـك








وله هذا الموقف مع صرافة البنك :







أنــا لـقـيـت الـبـنـك مـثــل اخـويـايـه - مايقضـي الحاجـة إلـى جــاه محـتـاج


أمـس الضـحـى مـريـت كــل زمـلايـه - وكــلٍ عـطـى لــه بالمعـاذيـر منـهـاج


وضنيـت باقـي فــي رصـيـدي بقـايـه - وحركت نـاصٍ حـارس البنـك هجـاج


ودقـيـت رقـمـي صــح مـابـه روايـــه - طلع على الشاشة : لا داعي للإزعاج








ويقول عن البنك في قصيده له شهيره :







يـا أهـل الوظايـف قولـوا الحمـدلله - على معوشتكم ولـو رزقهـا ضنـك


أنـا وجنسـي رزقنـا لــو وصفـنـاه - حوذ الحنك مافيه زودٍ عن الحنـك


ماطـاح قـرشٍ فـي يدينـا قرشـنـاه - ودايم طفارى الله يجيـرك ويامنـك


البـنـك لـــولا لـوحـتـه ماعـرفـنـاه - من قل ماندخل على موظف البنـك


ماغـيـر نـقــرا لـوحـتـه ونـتـعـداه - وإن قيل هذا البنك قلنا اتركه عنك


لاوا هـنـيــك يـالـغـنـاوي هـنــيــاه - تـرقـد وحـنــا بـالـدراهـم نـمـونـك


نفرح إلـى مـن المعـاش استلمنـاه - ويـهــج مـنــا قـرشـنـا ويـتـزبـنـك


والله يالوتصـرف ربـع ماصرفـنـاه - ليصيبك السكر مع الضغط والتنك


ولولا جهدنا وجهدنـا اللـي بذلنـاه - ماتنفـخ ذروبــك وتـمـلأ مخـازنـك


ميـر المقـدر مالـنـا غـيـر نـرضـاه - مرزقـك منـا وسقمـة أرقابنـا منـك









وله قصيده مشهوره أيضا :








لاصـار جــدك مـاتـرك لــك ملايـيـن - ماهـوب لازم تشـتـري لــه ضحـيـه


قل له ياجـدي جعلـك مـن المناجيـن - والله مـاتـسـوى قـيـمــة الـبـربـريـه


عقبتـنـي للـديـن ومـصـارع الـبـيـن - ومن زين طبعك كاتـبٍ لـك وصيـه؟


لو أنت ما أخذ لك من الخد حوشين - يـوم الأراض بـلاش وســط العلـيـه


إن كـان تلقانـي مـن أهـل الدكاكيـن - مطـنـطـخٍ هـالـحـيـن مــيــة بـمـيــه


لـكــن يـاجــدي ضحـيـتـك بـعـديــن - إن سـهـل الـمـولـى ثمـنـهـا عـلـيـه


حنا بوقتٍ شين وأشين مـن الشيـن - فيـه الـخـوي مـاعـاد يـاثـق خـويـه







سعود والريال :






البارح أمسى اتلى معاشـي بجيبـي - ريـال وأحرمنـي لـك الله مـن الـنـوم


مغـيـر غــادٍ لــه صـيـاح ونحيـبـي - يـقـول ذا شـــي مـقــدر ومـقـسـوم


لـــولا إنـــي ريـــالٍ رديٍ نـصـيـبـي - إن كان ماني وسط جيبك من اليوم


وش بك من التجـار ماتشتـري بـي - حاجـة ولومالـك بهـا أيـات ملـزوم


أدخـل علـى الله فكنـي وش تبيـبـي - مـادام جنسـي فـي مخابيـك معـدوم


أنتـه تخـبـر إنــي ســواة الغريـبـي - في مجلسٍ عندك مضايق ومظلـوم


وأنـا الـذي شـرواك مايعتـنـي بــي - بغضـه بقلبـي زارعـه دايـم الــدوم


أبــي الــذي لاشـدنـي يلـتـوي بــي - مايفكنـي لـو تـظـرب إيــده بـقـدوم


إمـا يهوجـس فـي وإلا يحكـي بــي - وغير السوالف فـيّ ماعنـده علـوم










سوق الخضار والتوهيقه :







يالله يارب سعود تطلـق وسـاره - مـن شغلـة حـده زمـانـه عليـهـا


لولا الزمان اللـي تعاقـب دمـاره - لوقلت خذها قلت والله مـا أبيهـا


لكـن يـوم الوقـت قنـبـع غـبـاره - والنـاس عـيـا ربـهـا لا يهديـهـا


سيـر علـى جلابـهـا واستـشـاره - وقال الحظيظ من العرب يقتنيها


ترانـزيـت مــن الفـقـر للتـجـارة - ولا رابــح إلا واحــد يشتـريـهـا


ماهي دشارة بس مثـل الدشـاره - الله لايـبـلــى الأجــاويــد فـيـهــا


الشغل فيها مثل وطـي الجحـاره - مـن لاتعداهـا يبـي يـروح فيـهـا


وبها الربح واجد لكـن الخسـاره - كـم واحـد مثلـي قـبـل يشتكيـهـا


دمتم بود..
  رد مع اقتباس
 
إضافة رد

الكلمات الدليلية
للشاعر, المطيري, سعود, طريفة, قصائد


يتصفح الموضوع حالياً : 1 (0 عضو و 1 ضيف)
 

(عرض القائمة الأعضاء الذين شاهدو الموضوع : 5 (تعيين)
, , , ,
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:17 PM.


Powered by vBulletin® Version
Copyright ©2000 - 2017, Jelsoft Enterprises Ltd.
Ads Management Version 3.0.1 by Saeed Al-Atwi

كل مايكتب فى المنتدى من مواضيع ومشاركات تمثل وجهة نظر كاتبها ولاتمثل وجهة نظر إدارة المنتدي