خبر وفاة (الوايلي) هـّدت الحيل = يوم أعلنو للناس قصة وفاته
لا والله الا راح سِــيْـد الرجاجيل = الوافي اللي نادراتٍ سماته
من يوم فارقنا زعيم المشاكيل = الكون ضاقت في عيوني جهاته
تسابقت دمعات عيني هماليل=على أصيلٍ ما تكرر صفاته
ماني مصّدق يازمان الغرابيل= اللي بياض القلب ميزة حياته
حتى الصغير اللي بوسط الزهاميل=يبكي من اللوعه بلحظة وفاته
مليون عندي من أسياد الرجاجيل=والله ماتسوى طرف من عباته
يارب يا منــّزل تبارك والانجيل = ترحم فقيد المرجله في مماته
وبجاه من صلى وكبر بتهليل = تجبر عزى (متعب) وتحفظ خوآته
ــ
شعـر / فـلاح عشوي الحـبـلاني العنزي