كل قوم الا قومنا

ابي اتشــرف بعنزه واسمي بها فــوق النجـــــوم
وابـــــي افتخــــر دام الاصل اصلي واصلي منبعه
قومي انتشي يامهرتي ماعاد هي في ظرف يوم
من جـــدنا وايــــــــل وحنـــــا بالمراجــــــل نتبعه
تاريخنـــا يشهد لنــــا وكـــل القبايــــل بالعمــــوم
متوارثين المكرمـــه والـمـشـهـمـه والمـشـجـعـه
وثوب الردى مانلبسه يـوم الــردى ثوب الرخــــوم
وكــم من عديــمٍ ليــا انتخينــا بالملاقــا نســــبعه
كل قــوم الا قــومنا ياقــوم قــوم وقــوم قـــــوم
هـــذا المثــل يضربنــا ليــاثــار عــــج الـمـعـمـعـه
والمفخــره نسعالهـــا ونرقــا لهـــا روس الرجـــوم
يـوم البعـض مـن هـولهــا قـــام يتدارج مـــدمـعـه
وخــوينــا ليــامن بــرك نبرك لحمـلــه بــه نقـــوم
ولا نتركــه على مطيحـــه وبالـــوقــــوف نشجعه
والضيـف ليـامـن جـالنــا دايـم مـعـزز ومحشــــوم
والجـار ندمــح زلتــه وبكــل المســايــل نـنـفـعــه
ومنهــو لفـانــا معتني لحــاجتـه نقضي اللــــزوم
هــــذي عــوايـــد لابتي الطيــب دايـــم تــزرعــه
وليـــا عــدت فـعـول القبـايــل دون قـاصر بالقروم
حنـــا لنـــا بمنهــاجهــا ابــواب عـز مـشـرعـــــــه
وليــا انقســم مجـد العـرب حنـا لنـا راس القسوم
مجــد انـبـنـا بالمرجلـه وسيـوف مجـد مشعشعه
وقـولـو لـوايـل جـدنـا يالـيـت لــو ساعـــه يقـــوم
ويشـوف بعينـه فعــل نسله للمـعــالي تـــــرفعه
ابي اتشــرف بـعـنـزه واسمي بهـا فــوق النجـوم
الـلابـه اللي مجـدهـا كـلـن يشـوفـه ويـسـمـعــه
منقول للشاعر/ الذرب ابو ضي (لقب للشاعر)
منتديات الحمايرة من المضيان

كل قوم ولا عنزة ..

كل قــوم الا قــومنا ياقــوم قــوم وقــوم قـــــوم
هـــذا المثــل يضربنــا ليــاثــار عــــج الـمـعـمـعـه

بيض الله وجهك يا أبو أنس ... على هالنقل المتميز .. والاختيار البديع ..

وصح لسان الشاعر الذرب ابو ضي .. على هالقصيدة الجزلة

بما تحملة من معاني الفخر و الاعتزاز بالإنتماء ..

تقبل مروري وتقديري ... ودمت بخير ...

ابي اتشــرف بعنزه واسمي بها فــوق النجـــــوم
وابـــــي افتخــــر دام الاصل اصلي واصلي منبعه

صح لسان الشاعر/ الذرب ابو ضي

وبيض الله وجهكــ يابو انس على نقل الابيات الرائعه

صح لسان الشاعر

ومشكور يابو أنس على الإختيار الموفق

بارك الله فيك