مرثية فهد عوّاد في الوالد حمود ( رحمهم الله جميعا )

( يابو خالد ) لمحت بعينـك اليمنـى عتـب وأقـوال=وشفت بعينك اليسرى شـره شيـخٍ علـى رجالـه
تبي أقصد .. أجل هـاك وتوحـى جزلـة الأمثـال=أنا صدامك الشامـخ ولوهـو طـاح .. تمثالـه
يبو خالـد هِنـا مدهـال .. مايشبـه ولا مدهـال=تنـوخ بـه عظيمـات المعـانـي وأتعـزوالـه
يبو خالد هِنـا سيـفٍ .. تعـّود يكسـر الأغـلال=هِنا شاعر يبو خالـد يقـول اللـي علـى بالـه
الى جتنـي أطلعهـا ولا أحسـب قولـة القـوال=مثل ماتكفخ براسـي .. تبـي تكتـب علـى الآلـه
أبجبـر حرفـي الصعـب اليسيـر لدمعنـا لاسـال=وأبرثي شيخنا وأسكـب قصيـدي وسـط فنجالـه
توفى ( حمود ) أبدعيلـه وأبسـأل ربـي المتعـال=الا يالله تغفـرلـه .. وترضِيـلـه .. وتـرضَـالـه
وأبأخشع وأذكر الميـت .. برحمـة منـزل الأنفـال=لأن المصطفـى قـال أذكـروه بطيـب أعمـالـه
عسى الله يرحم قبور الرجـال اللـي تسـر البـال=عسى الله يرحم حمـود وعسـى الله يصلـح عيالـه
وأنا مانـي يبـو خالـد .. رديٍ يجحـد الأفضـال=أنا رجلٍ يديـن الوقـت الأقشـر تكـرب حبالـه
عظيـمٍ يعـدل الهامـه .. الا مـن الزمـن ذا مـال=حكيـمٍ يحشـم الكلمـه .. مثـل مايحقـر ريالـه
وأنا أدري مدحت الرجال نفسه عيب .. ولا تنقال=ولكـن الشمالـي مايـلام ان مـيّـل عقـالـه
لك الله كتفي الأيمن .. كما الأيسـر يشيـل أهـوال=كثيـر اللـي بغـا هـدم الطمـوح .. ولا تهيالـه
أنا الواقف هنا يعنـي أنـا الأول .. وأنـا الزلـزال=وأنا اللي فضخ عيـون الحسـد والحقـد .. بخلالـه
وإذا الإعلام نافِق لي وأنا أستقبـل وأبـث أرسـال=أنا إعلامـي هنيـا .. وكـلٍ يسكـت أشوالـه
وأنا يوم أحجب حروف القصايـد .. مانـي والله ذال=قصرتـه لجـل مايخطـي علـى المعنـى ويغتـالـه
هِنا الفقد أكبر إمن حروف ومعنى شعـرن الصلصـال=حمود أكبر مـن حـروف القصايـد .. لـو أتبكّالـه
حمود الوافي اللـي ماتـرك ربعـه .. لطـرد الـلال=يوردهم علـى الجـم القـراح .. ويتـرك حثالـه
حمـود المجتـمـع والمنـفـرد لاكـثـرت الأزوال=خلقـه الله كمـا غيـثٍ .. يسـر النـاس همّـالـه
حمـود المشتهـر بيـن الخلايـق فـي سمـاح قبـال=ولا ياكنـي أسمـع صـوت قـبـره وآتوحـالـه
الا ياقبر .. مـن حقـك تباهـى وتفخـر وتختـال=مدامـك تحتضـن شيـخٍ .. خيـول العـز تبرالـه
هِنا قبرٍ .. مهـو بأيـات قبـر .. الا قبـر رجـال=لـو انـا ( نرجعـه حـيٍ ) فــلا والله وفينـالـه
أنا ماقلـت يابويـه .. بعـض شعـر الرثـا قتـال=لأن الشعر يقصـر عـن حمـود .. وصعـب يرقالـه

وقريبا تستمعون إليها بصوت الشاعر رحمه الله

مليار شكر لك اخي / مشاري

الله يرحم الامير/ حمود بن صخيل المطرفي ويسكنه فسيح جناته رجل قيادي بمعنى الكلمة

الله يرحم الشاعر المهندس / فهد بن عواد المطرفي فعلا شاعر اثبت وجوده على الساحة في فترة وجيزة بل ذاع صيته على مستوى الوطن العربي

آلله يرحمه ويسكنه فسيح جنآته

آبو صخيل ( فقيــدهـ )

آلله يرحمه ويسكنه فسيح جنآته
الشاعر
فهدعواد( فقيــدهـ )

الله يرحمهم جميعا

الله يرحمهما جميعا .رحمة واسعه ويوسع مدخلهما ويجعل قبريهما روضةمن رياض الجنه.ويرحم أموات المسلمين

الله يرحمه



على النقل

آلله يرحمهم جميع :آلشيخ ’ حمود ابن صخيل ’ وآلشآعر : فهد ع ـوآد

قصيده رآئعه رحم آلله من كتبها ...

----


مشآري نقل رآئع جداً تشكر عليه

تقبل مروري ...

.

رحمهما الله جميعـــًا فكلاهما يعتبر فقيدًا على قبائل عنزة كافة وليس على المطارفة فقط ...

ومكانهما لن يملأه أحد ٌمهما تكثروا رحمهما وأسكنهما الفردوس الأعلى ...

شكرًا لك أخي مشري وقد سبقتني بها فقد قمت بعمل التصميم وسأرفق الملف الصوتي ...

دام الجميع سالمــــًا من كل مكروه ...

رابط التحميل صوتي بصوت المرحوم ولدي الكثير بصوته غفر الله له ...

http://www.a7ssass.com/up//view.php?file=1f6532e44a

.

آلــــلــهـ يرحم الامير الشيخ حمود الصخيل
والله يرحم الشاعر فهد عواد
آلــــف...شــــكـــــررر...ع...آلــــنــــقـــل