بيض الله وجه الايـام والمـال القليـل
بينت لي دامس الليل وفجـوج النهـار
اكتشفت بها غريـب وشـي مستحيـل
واكتشفت بها طيور القهابـا والحـرار
واكتشفت بها عزاوي منجيـة الدخيـل
واكتشفت بها عزاوي قصيرين العمـار
واكتشفت بها شجيع اخويانـا والذليـل
واكتشفت بها صغار اخويانا والكبـار
واكتشفت بها الحِيّل والتحيّـل والجليـل
واكتشفت بها طوال المناهج والقصـار
واكتشفت بها كريم اخويانـا والبخيـل
واكتشفت بها فيافي الخزامـى والقفـار
قالها اللي جور الايام شاف بها الرحيل
من عناها يلتفت فى اليمين وفى اليسار
اتلفت حزة الظهر كني نصـف لليـل
كن مالي فى البلد لا صغار ولا كبـار
لا رفيـق انتخيبـه ولا عابـر سبيـل
كني اسمع صوت خفاش في جال الزبار
دلهمت الايام والعمر ما حّصـل دليـل
حار فكري والقدم من عنى الايام حـار
اعذروني ياهل المعرفةواهـل الجميـل
ودي اوضح رموز المعاني باختصـار
والسبايب جور الايام والمـال القليـل
وضحت لي دامس الليل من فج النهـار