قصيدة بمناسبة اليوم الوطني الــــ81

الملف الشخصي · 27-09-2011, 12:09 AM

باسم الوطن ناقف على الساق ونثور = ونكتب بيومة من جميع التعابير

من عهد ابو تركي ودارنا سفور بسفور=وبعهد ابو متعب من خيرها زايد الخير

وام اليتامي جالها الخير موفور=وياهيت قولي عن أيام ومعاصير

بليلة لفاك اللي له العلم مخبور=نادا اخو نوره بعلم وتأثير

وساعة سرو أربعين على الكور=والمصمك الشاهد على كل مايصير

ونادا المنادى بصوت له جهور=بدار سعوديه مابها أي تغيير

واليوم ساد الأمن والكل مسرور=بعهد المليك اللي تجي منه التباشير

هذا أبو متعب خادم البيت المعمور=والتوسعة أكبر من القول وأشير

والعلم والصحه لها البذل موفور=حتى المدن بالأمس ذا يومها غير

صارت تعاند بالرقي حضارات وعصور=حتى قرانا والهجر حالها تسير

صارت تواكب للمدن كلها نور=هذا وطنا اليوم بأجمل تصاوير

واليوم حنا لسيدي صف طابور=منا الولاء بالصدق حب وتقدير

ومنا لولي العهد حب من صدور=رجال وفيه وقولها مايقبل الزور

وللنائب الثاني عهدنا بأمن ونشير=أن الولاء منا نحفظ الأمن ولدارنا سور

الشاعر/ حميد الحلو المطرفي(أبو فايز)