صوت الفشق مايرجعه نفضت شليله = ولا ينفع المخروش كثر التلفــــات

السلام عليكم ورحمة الله وبركاته

اعضاء منتدانا الاعزاء اضع نصي المتواضع القابل للنقد بين يديكم واتمنى ان يحوز على رضاكم

والاهداء لـ اخي ابن ضبعان
.
.
.


يالشبل ابن ضبعان شوق الاصيله = يالي فعولك بالمجالس اصيــــــــلات

مافيه مجدا بالسما منت بتخيــــــله = من صغركم عشاق روس الطويــلات

ماشاقني ياخوك وصف الكحيـــله = الي تسج الرجــــــــــــل بين العمارات

ولاشاقني حب الي تسمى بخيــــله = ومن الغلا تنفض جيـــــوب الخواجات

ولاشاقني وصف الي تكد الجديـله = الي علــــــــى الطفسات تاخذ علامات

لا والله الا قلتها وارتكـــــــــــي له = ابيات من راسي ســـــوات الصقيلات

ولاقد كتبت نفاق ولا هزيــــــــــله = وليــــرتخى متــــــني تزبـنـت ابانات

لاكن يابن عمي حمول/ن ثقيــــــله = تبرك على صدري تبي تكسر الذات

وكتبت لك يوم اثقلوها بليــــــــــله = اهل الكلام الطفس اهل السماجــــــات

حنا رجال وشخصنا عن قبيــــــله = متوارثين المجد ورث الاصـــيـــلات

لاكن يابن ضبعان وش هالهبـــيله = يقولي نافق وتكسب ريـــــــــــــــالات

عسى الذي سواه يرجع يشيـــــــله = وعن الكلام الطفس يكفيه بســـــــكات

ويقول راجع ماكتبت وتشــــــــيله = قله على بويتاته يزود له ابيـــــــــــات

ناس/ن تبي تساوي هزيل بجـزيله = ولجل الكلام الهزل ساق الروايـــــات

صوت الفشق مايرجعه نفضت شليله = ولا ينفع المخروش كثر التلفــــات

رح وصل الابيات وانا قبيــــــــله = ولجل الكلام الطفس مانرخص الــذات

اسرجتهن سطعش وارد خيـــــــله = وباكر يجي ويقول وش معنا الابيات
.
.
.
وسلامتكم

حنا رجال وشخصنا عن قبيــــــله

متوارثين المجد ورث الاصـــيـــلات

آنعم وآكرم


صوت الفشق مايرجعه نفضت شليله
ولا ينفع المخروش كثر التلفــــات

ابدعت في الوووصف



نوآف عطآء متجدد للأمآنه كنت من المتابعين لقصائدك في منتدانا السابق

واتمنى تجمع لنا قصائدك في مدونه خاصه لك في القسم

صح لسانك ويعطيك العافيه

السلام عليكم

اخي الغليم شرفني مرورك والاشادات الي عساني ماعدمها من مثلك وشرواك

وشهادتك وسام على صدري وتقبل تحياتي

ماعليك زود يا البناخي و صح لسانك

علمك غانم و عادتك كسب الجزايل

و ردي لك قريبا باذن الله

صح لسانك يا ابن حويل...

ونعم ببن ضبعان وبيض الله وجهك على القصيدة الرائعة

علمأ ان الشعار هم من يحلون لغاز بعضهم و ان شاء الله يستمر ابداعك بلا انقطاع

تقبل مروري و دمت بخير

الاخ / نواف عواد

أبدعت في ابياتك ووصفك أبيات في قمة الروعة

وعسى الله يفرج همك وماقصرت وننتضر جديدك

ويستاهل البناخي ابن ضبعان .

وننتضر الرد منك ابن ضبعان

السلام عليكم ورحمة الله وبركاته

اخواني الاعزاء اشكركم على مروركم الذي توج متصفحي بالفخر والطيب

والاطراءات الي علني ماعدمها

تقبلو تحياتي ووافر مودتي

اقدم اعتذاري اخي الشاعر/ نواف الحويل .. على التأخير بالرد

يا مرحبا بالي علومة جــميلة ... راع الفعول الغانمة والجزيلات

عداد ما فاتت من العـمر ليلة ... وعداد مابانت بهالخلق بسمات

كثر السحاب الي سقانا هميلة ... واكبر من المليارمدبول مرات

الي لفاني يا ابن عمي قـــليلة ... بين لي المستور في وسط الابيات

لالي ولالك يالبناخي وسيلة ... دامة خطاة ولا انحسبلك خطيات

خلة ينافق بالغلاء مع خليلة ... وخلة يلون بويتة كل فرشات

الفتنة الي عند غيرك جزيلة ... نفسك عصت عنها بليا وصيات

للنصح قول"مايعوقك دليلة ... وبعض العرب مايفتهم بالمقاسات

احذر تظن الي بعيد تخيلة ... كنك تشوفة من قريب المسافات

الي يروم العز لازم يجيلة ... والي رضى بالهون يكفية ما فات

والنفس لو مالت عن الحق ميلة ... تميل مرة ثانية بعض الاوقات

وشلون اوصل لك بيوت لهبيلة ... خل الكلام الطفس لاهل الدنيات

لوهو لدرب قبلنا قد مشيلة ... صوت الفشق تقدر تخفية باصوات

مالك عن المقسوم والله وكيلة ... والي يبي يسرق يدل الريالات

دامك من الويلان مافيك حيلة ... ادمح ولك عند ربك عطيات

اللابة الي بالنوايب ظـــليلة ... الي لها بالفخر والعز ميقات

مطارفة يا ناشد" بالقبيلة ... ويلان ما نرضى بغير الطويلات

مافيهم الي ما يزبن دخيلة ... تشهد لهم بالفعل اهل الشويهات

تشوقنا جزل الفعول الثقيلة ... الي على غير عنزة علمها فات

يالله يالي كلنا نلتجي لة ... تزيل هم" وسط نواف بالذات

السلام عليكم

ابن ضبعان بيض الله وجهك ملايين وعز الله انك وافي يالبناخي

والله لايهينك على هالرد الاكثر من رائع ويحمل من الجزاله ما عودت المنتدى عليه

تقبل تحياتي وجل احترامي

صح لسانك يانواف مبدع دايم حفظك الله= وخل صدرك شمالي =سلمت يانواف على هلجميله= الاكتبت ابيات ماهي ابويتات= ولا الهبيله ياالبناخي هبيله= وش عرفه معناالبيوت الجزيلات=== اخوك ابوشريف