صوت الصورة


صورة العدد تصوير - بدر الفريدي
إعداد - بكر هذال
كثّر غضارك يوم عشب الخلاء زان
ترتع به الناقة ويكثر لبنها
ابن البلد يفرح إلى حل ضيفان
يقري غبوقٍ تو محلوب منها
سعود بن عبدالعزيز الهزاع - نعام

انض الحليب وصب يا خليف بطياس
وأحرص على الرغوة ترى رشفها زين
وقدّمه للي على الكور جلاس
يا من لفو مجلسك بين العشاوين
عبد الكريم النغيمشي






صورة العدد السابق




يا الأحمري صورتك بالحيل شاقتني
أنا أشهد إنك على تصويرها بيطار
مع شرقة الشمس مدري يوم غابتني
تمر.. ولبن.. والدلّه بريح مسمار
محمد فهد الجلعود - سميراء

دلّه وبراد وحليب نياق
مكشات والنّار مشبوبه
في روض باهي من الخلاق
هذي هوى قلبي ومطلوبه
محمد سعد الجروي

مليانةٍ طاسه حليب المجاهيم
يمدها النشمي لضيفه إذا جاه
في وسط قاعٍ فوقه المطر ديم
يعجبك شوفه والكشاته تمناه
مدري هو الصمّان أو روضة خريم
مرابع وطنّا يا عسى الروح تفداه
خالد ناصر المخيمر – روضة يسدير

اللبن .. والتمر .. هو زاد الأجداد
بأرضٍ عليله في هواها فسيحه
في غرشةٍ فيها صبوحٍ للأجواد
أخير من وجبة ولاهي مريحه
سعود عائش الحربي
ولايا النشامى تو ما زانت الطلعات
وزان التمشي في الهضب والجنوبيه
نسج الديار أيام وإلا بعض ساعات
نشوف الحلال وكل ريع وعلاويه
حليب ونشامى ونصطبح ما اقرب الخلفات
كما راعي الصوره حليبه باياديه
مبارك محمد الدوسري - وادي الدواسر

سلمت يا راعي حليب المغاتير
في جو صافي .. والطبيعه جميله
ووسط الخزامى عشق كل الجماهير
صورة فريدة .. والمعاني أصيله
بشائر القحطاني - الرياض