منتديات قبيلة المطارفة الرسمي من عنزة - عرض مشاركة واحدة - ومن يدّعي زودٍ على الناس دجّال .. دنيا تجارب والتجارب دلاله

الملف الشخصي · 01-04-2013, 11:53 AM

بــسم الـذي أنزل تبارك والأنفال .. أبــدى بــذكرالله جــلا جلالــه

فردٍ صمد ماله شريكٍ بالإجلال .. نور السماء والأرض مرسي جباله

عالم خفايا النفس علام الآجال .. الــقادر الـــعالي تــعالى كــــماله

من بعد ذكر الله نظمت الأمثال .. من هاجــسٍ يــملي على ماطراله

الجاش هاض وهيّض النفس واجتال .. ومن المعاني شف نفسي جزاله

لولا الردى والطيب مابانوا رجال .. مـــابانوا الأجـــواد وأهل الفســالة

حتى البهايم فيهن الخيل ورخـال .. والنــاس واجد والفــعــايــل دلالــــه

واسمٍ بلا فعلٍ مايستر الــحال .. وش عــاد لــو جــدّهـ جــزالٍ فعالــــــه

ترى المثل ورّث عن النار ماقال .. ســمــاد نــارٍ فــي مهبة شمـــــــــاله

الخـــيل لـــه خــيال حلحيل حلال .. مــاتنــطــفـي نــارٍ لهبها رجــالـــه

دروب الــمـكارم ماهي دقال وعقال .. ابـــن الردي ماسـر عينه عقاله

وميـل الليالي وأقشر الحظ لا مال .. دلايــل المـــخلوق خافي رجالــه

ومن يدّعي زودٍ على الناس دجّال .. دنيــا تـــجارب والتــجــارب دلالــــــه

ياكم راحل دونه أجيال وأجـــيال .. حـــي بــذكــره عايشـــات فـــعالــــه

مـــن حاتم الطائي دلايل ولا زال .. قــبـل الشريعه من عــصور الجهالـه

مــبدي اللــيالي بين نازل ورحال .. لــو عـــاش مهما عاش تقفي رحالـــه

وحـالـه بـعد حالة وحال بعد حـال .. مــــادام غـير اللــي عــزيز جـــلالــــه

والقــبر صــندوق السوايا والأعمال .. إمــــا نــعيــم القــبــر والأ نكــالــه

وصـــلاة ربي عـــــد ما خـايل خيال .. واعـــداد ما ذعــذع ذواري شـمالــه

وعــد الـــرعود وعد ماهل همـــال .. وسـمية هلـــت هــمــايل خيــالـــــه

على النبي الهاشمي خير من قال .. الصادق المعصوم هدي الــرسألــه

طهّــر عقول الناس من زيف واظلال .. واطــفى مــــعالم شركهأ والجهاله

الشاعر محمد عبدالله المسعد