منتديات قبيلة المطارفة الرسمي من عنزة - عرض مشاركة واحدة

الملف الشخصي · 15-05-2010, 12:19 AM

{المال }

راحة ضمير وبال تسوى ملايين

تسوى فلوس كاسبينه طماعه

هذا زمان المال يراعي الدين

من كثرماله صار رجل الشجاعه

المال قدس عند الاقصى والادنين

وعزي لمن هو خاسربالبضاعه

من كثر ت فلوسه على الراس والعين

كل يقول لبيك سمع وطاعه

وان قل ماعنده جفوه المحبين

والياخسر زادوه هجر وقطاعه

احذريقل المال تسقط من العين

بالمجتمع تنبذ وعند الجماعه

وان قل مالك صرت بين الملا شين

حتى لوانك من رجال الوراعه

حتى لوانك من ربوع عزيزين

تنهان في دنياك جرب وراعه

ولاخير في مال يذل الشريفين

اهل النفوس النايفه بالرفاعه

الله يمحق مال تشحذه الايدين

لاصار ماهو من مكاسب ذراعه

لاصار زود المال عند الرديين

النفس له شيمه وحذرا الدناعه

دنياك لاتلهيك بالمنظر الزين

لابد ماينقال روح وداعه

لو ان فيها خير اول وهالحين

ماعافها المختار راع الشفاعه

ــــــــــــــــــــــــــــــــــــــــــــــ
ــــــــــــــــــــــــــــــ
ــــــــــــــــــ