|
ديوان جوهر البيان في مدح بن فهران
قصيده الشاعرفاضل الغشـم الشمري يمدح بصاحب النخوة العربية الأصيلة
السيد / فرحان بن فهران المطرفي حيث أنه يستحق التمجيد والافتخار . أبدي بسلاماً مرسله لبو سلطان = عضدي حزامي راسمالي ورصيدي الحيد نقال المحامل بليهان = راعي الحمية يستحق القصيدي يوم أنها ضاقت علي سر وعلان = صكوا علي بالسجن باب الحديدي هذا ودون الباب حارس وسجان = ودنياي ضاقت والرفاقه بعيدي وصيت في جده على بعض شيخان = جداي منهم حكيهم والوعيدي مامن سنع ، ماشفت يا غير فرحان = حر الهداد اللي بهده يصيدي جاءني عريب الساس خلفة كحيلان = من دون كل الناس تلن من ايدي الله يبيض وجهكم يابن فهران = وعسى طريقك يارفقي رشيدي شرواك يذكر بالفخر كل الأحيان = ويعل عمرك يالسنافي مديدي فرحان عرب الساس بالضيق مزبان = صفوة عرب والساس ساساً مجيدي عقب السحالي من مصاقير حوران = مشهور بالفكر الحكيم السديدي يا نافل بالطيب منكم بنيان = ضل الرفاقه بالزمان الشديدي يوم العرب ياكاسب الطيب قومان = تشهد لكم ياخزام خشم العنيدي مطارفة في ساحة الكون فرسان = مروين حد السيف ضد الضديدي شجعان تنجب للملازيم شجعان = أكرام تكرم بالزمان الزهيدي ساس المروه من قديمات الأزمان = رمز الفخر والكل فيكم يشيدي وأفعالكم نفخر بها بكل ديوان = حيثه مقر للفخر والحميدي وصلوا على خير الملا نسل عدنان = ما أمطر سحاباً مقتفيه الرعيدي |
الشاعر/ بشير بن سماح عواد الجعفري العنزي
راكب الــي ناجبينه للابعــــــاد = يقطع مسافات السفر سبرماني شد الوكاله ضامنينه على مـراد = يفوق بالجوده وهو بهبهانــــي من منطقتنا الصبح يمشي وينقاد = يلوق للشاعر وطق الغوانــــي يلفي على فرحان زيزوم الأمجاد = ساس الرجال مكملين المعانـي بقـدومكـم ياجيــت دلـه وبـــراد = وحيـل تلقــط للنشامـا سمانـــي مع موقـد الفنجال للجــود معتــاد = فنجال هيـل مزود زعفرانــــي مذكور أبو سلطـان للحيل جــلاد = يكرم اليا شح البخيل الهدانـــي المطرفـي فرحـان ياجيت نشـاد = فرحتك اليا حدك ظروف الزماني تجيه دقلات الجماعـه والافــراد = وعلمه يشد الراس للناس باني وان صاربالموقف صعوبات وعناد = انصه ترى الطيب حلي العصاني باليت ابن فهران عندي بالاوجـاد = يوم أن موترنا اخذوه الزباني افعول ابو سلطــان قدام الأشهــاد = معروف بالنخوه لكل العواني عقب السحالي به تواريخ الأجداد = فرحان له بالعرف قدر ومكاني يالنادر الضرغـام ياعــز وسنــاد = اقولها واعلنت فيها اعلانــي وصلاه ربـي عـد هتــاف رعــاد = وعداد من صلى وصام رمضاني |
قصيدة عنيزان بن سليمان بن خلف الرمالي الشمري
ياويل من ياقف بوجـه أبو سلطـــان = أميـر وبن أميـر ويزهـى الامــاره من عملبه معروف يجزاه بالاحسان = ريف الخوي والضيف ويعز جاره يدمحلنا الزلات ياجت من بعض الأخوان = ترى مالهــا بالتاريــخ أي عبــــاره انت منا وحنـا منـك يانسـل عدنـان = ترى معرفة الرجـال هي التجـــاره حلحيل حــلال المشاكـل بميـــزان = أنـــشهد إنـه من نـــوادر حــــراره طير السعد ماكره جبل حـــــوران = يثبت كلامي لمن عنى لبيته وزاره هل الكـــرم معيشــه كل جيعــــان = تبـذل يمينــه مايحسب للخســـــاره بالمدح يستاهـــل الطيب فرحـــان = ربعـــه بالقــوات ترخص عمـــاره خوالي هل العشوى من قديم لهم شان = ومعطـــرة الــنمش بــاول نهــــاره خوالـي باللقـوات يـاوي فرســــان = ومن اعتـدى عليهـــم يهـــدون داره هذا فعل هل العشوى من قديم الأزمان = وكــل علـى طيبـه يبـــدي مســــاره يردون حياض الموت بالحق ويلان = ياضــيعاً شــقح العشــــاير حــــواره خيالهم باللقوات في راسـه جنــان = عـدوهم مـن الخــوف غير مســــاره يشهد لهـم التاريـخ في كل ميــدان = وساع الطعـون يوم كل يحمي ديـاره وصلاة ربي عد مانشى غر الأمزان = أوعــد مـا تمطــر وينبــت خضــاره |
هذه القصيدة للشاعر/عبدالمحسن بن طما ردا على قصيدة الشاعر اديهم العنزي
حي القصيد اللي به الطيب مقصود = وحي الحروف وحيها من مقوله قصيــدة جتنــا لهـا طــرق منشــود = ذكرت خلاق الوجود ورسولـــه من شاعر ساق النظم سوقه الــذود = في ديــرة والخيــر فأول حلولــه ريحــه عبــير أبياتــــها فــل وورود = كنــه سكــب فأبيتــها ألـف تولــه وبنــرد عن صلاح والطيـب مــردود = ابن فريــج اللــي خبرنــا فعولــه رجال موقف صارم سيــف مجـــرود = من لابــة في كــل ميقاف دولــه ويقول أبو صالح سلم راعــي الفـود = فرحان واديهم ورجال الحمولـه أصحـاب صحبتهم لنا شيك مرصود = والشيك في وقت اللوازم سيولـه ولا ما عليكم في دروب الوفاء زود = وافين في كل الزمان وفصولـــه وانتم لنا يااصحابنا عز وعضــــود = راس طويل ولايجي راس حوله أحرار لن جاء يـوم به قدح وزنــود = رجالكم طيب العلوم امحصولــه والحق ابوسلطــان.له فعل وجهـود = فكاك يمنــى بالديــون امعقولــه يشهــد على فعــله مساجين وجنود = رجال له فالطيب صوله ورجوله قابـــوس حر يشتعــل تقــل بــارود = راضع الكرم من قبل وقت الطفوله وابــن طما لك عطـر الشعر بالعـود = يادهيم يامن لك فالاشعار صولـه وصلو على المختار والرب المعبود = رسول أقام الدين وأثبت أصولــه |
هذه القصيده رد عليها دهيم محمد العنزي نيابه عن فرحان
يامن يوصل لبوسلطــان = القرم ريف المهازيلي قله انا حـايــر وبحـــلان = من ضيم وقتي فتر حيلي واليوم ناصي ابن فهران = بليهان يثور بالشيلي فرحان للي لجـأ مزبـــان = اللي حموله بها ميلي النعــم يستاهله فرحـــان = نعمين يستاهل القيلي اللي لجابه ماهوخسـران = يزمي مثل شاطي النيلي حيثك من اللي لهم وجدان = اشكيلك اللي نكث شيلي خلي بعيد وانا الولهـــان = ولاشفت منه محاصيلي وانا على شوفتـه شفقان = اشفق من القاع للسيلي ياعود موزن طعـم بليان = وسط البساتين زاهيلي العود عن الهوى ريــان = مرويه منشي المخاييلي ابـو النهـود نبت رمــان = من ضيقه الثوب يشكيلي والخـد نوره يشع ضيان = لااظلم الليل يضويلي ابو جديلن ضفا الامتـان = وابو الشفايا المذابيلي ياليت لو يروي العطشان = من الثنايا المعاسيلي خلي ذبحي مع الهجـران = بلبس الذهب والمحابيلي قلبي عليها يابو سلطـان = مثل خلوج المخاليلي قلبي صرخ خايفه مرضان = مثل صريخ المحاحيلي الليـل كلــه وانا سهــران = اطالع النجم وسهيلي القلــب كنــه عل نيــران = مانامت العين بالليلي والدمع سايل على الاجوان = عليك يانافل الجيلي ضاعت حياتي وأنا ذهبان = نعقب الهنا والتعاليلي الــدار اللــي به الحقــران = مايسكنونه رجاجيلي |
قصيدة الشاعر/عبدالله بن عواد الحجيلان
هاض الضمير وهاجس الغبن يجتال = في داخلي والقلب باح بكنينه وكن الفضى عني مقفل بالأقفال = أبي السكينه مالقيت السكينه من جال جابتني ودتنــي لجــال = وش فاد لو قلت الليالي لعينه ومشيت مدري ضايق الصدر والبال = وعفت المدينه وحتفال المدينه والفين كيلو وأنت مفتاح الأمال = ومثلي تبين كل عازه بعينه أحيان بالانسان الاحلام تقتال = وشرواك بعد الله يقوم ويعينه فرحان يالصنديد ياذرب الافعال = ياللي شماله ماتخالف يمينه تحيه تعداد ماهل همال = واعداد ما بالبحر تبحر سفينه قدمتها يالمطرفي لك بالامثال = هديه من قلب مابه ضغينه مواقفك تشهد وتشهد لك ارجال = كم واحد مديون خلصت دينه ولاني طالب غير موقفك بالحال = واللي يعين الناس ربي يعينه بعض البشر لاجيت تنخاه رجال = لو كان مافي عرف بينك وبينه يمشي على مطلبك ويسمح البال = يقضي لزومك عند وقته وحينه وبعض البشر ماله على الطيب محوال = ماينفعك لو العلاقه متينه عن حاجتك فيه التزامات واشغال = عنده ولايدري عن الطيب وينه من جاه ماكن انتخابه ولاقال = والله غبينه يالسنافي غبينه ويارب كل اللي عليه الدهر مال = شرواك يرميه السعد في يدينه يافزعه اللي من الشقى حالته حال = ويافزعت اللي لوعنه سنينه فال السعد لك فال ياطيب الفال = يوم البشر تعرف بزينه وشينه وياسيدي والعمر يفنى ولو طال = وتبقى العلوم اهزال والا سمينه |
قصيدة سالم بن صالح الغامدي
مرحباً أهلين ياوجه السعد طير = شلوى وعزوة بن سعود عنزه قوم عــــز أباً وجــد = طول الأزمان يوفون العهود وهذا فرحان من روس البلد = لك تحيــــة قيامـــاً والقعـــود بابو سلطان أرحب وأجتهد = في التراحيب من قلـب ودود كـرم النفس فيكـــم مايحــد = للمعالــي تحبـــون الصعــود سيرتك بالجميــل بلا عــدد = فيكم الطيب قــد فاق الحــدود والكـــرم مثل سيلاً لا ورد = للزروع ارتوت بعد الرعود وأنت لاشك شبلاً من أسـد = في الملاقا تدينـون الجحـــود والمثل قـال من جـد وجـد = وأنتم للفخـر ترقـــون سنـــود عشت للعز دون أخذ ورد = والله يحميك من كيد الحســود |
الشاعر /محمد حسن صيفان اليماني
ياساكنن جدة ترى منت خسران = بوابة الحرمين والعز فيها جدة بها رجال عزيزين شجعان = ماهي بضاعة جابها مشتريها فيها الأسود الضاريه نسل ويلان = محد يقربها ويقدر عليها جدة بها الويلان وشمر وعتبان = مدلهين الجار واللي يجيها وفيها جهينة مرويه كل عطشان = من دم أعداهم تخضب يديها وصبيان حرب ومطير وغامد وزهران = أهل الكرم والجود تندا يديها ورجال حجر وسبيع وملك قحطان = عز الرفيق وعز منه يرتجيها وباقي القبائل كلها شأنهم شان = والمعذرة ان كان قصرت فيها في ضل أبو متعب ونايف وسلطان = آل سعود سيوفهم تحتميها حكموا بشرع الله وللعدل ميزان = وكل الأمور المضله تحتويها جدة وعرعر عندنا مثل الأخوان = متعانقة والكل منا يبيها صحيح جدة غير ماني بغلطان = الله عطاها من الحلى مكتسيها هي جدة الفيحا عليه المثل زان = بأموالنا زارواحنا نفتديها جدة عزيزة عندنا حيل يفلان = يكفي السحالي شيد الدار فيها فرحان شيال الثقيلة بليهان = خلفت رجال من نصاها لقها اللي بقربة ماشكا الضيم والهان = مواقفة بالطيب محد نسيها فرحان أبو سلطان ياذرب الأيمان = اليا نتخيت بنخوتك ننتخيها خمسين عام ونت يالقرم فرحان = تطلق مساجين تكلبش يديها ماقلتها يالربع زور وبهتان = عندي الدليل وألف شاهد عليها المطرفي نسل الكرام ابن فهران = هو عز قوم دهرها مبتليها وعرعر بها رجال لياثار دخان = كبود العدا في نارهم تشتويها ولنا بها أولاد عم وخيلان = عسى الولي من شر بقعا يقيها وصلاة ربي عد ماهل هتان = على النبي بشفاعته تحتريها |
قصيدة الشاعرسعود عواد حميد الدمجاني العنزي
ياراكــب اللي اليا مش فرويله = هو منوت اللي منتوى درب الطراش ليا ركب خط القار تسمع نهيله = نهيـل سيــل مـن درافيـه ينحــاش يشبه العاصوف تسوقـه مخيلــه = ليا زام مع راس النبا يوحش وحاش ينصـا الحجـاز ولايبيلـه دليلـه = عليه واحـد صاحـي الراس منـواش ليا جـاء بلد جـدة يلقـا عميلـه = ملفـاه أبو سلطـان ماهو على مـاش المطرفـي معروف كل يجيلـه = والعــد يـورد بالـروايـا والأدبــاش يده على الطولات شرهه طويله = يدخل أبـواب الطيـب ليا قصـر اللاش أنا مثـل غيري سوابـي جميلـه = كيف أجحد المعروف مثل ابوكلباش الحـر له ميزه ونوع وفصيلـه = ولا كل طير يندعـي باســم هــواش المطرفي زرع وحصل حصيلـه = دنيــا تــداول بين تاجــر وقـــراش من لابتاً تعـرف ماهـي جهيلـه = عزوتهم العشـوى ليا سمعـوا الطــاش بأفعالهـم تفتخـر كل القبيلـه = أهـل الشيـاه منومسـه كــل شــواش والله مـاقلـت خداعـاً وحيلـــه = والله لا يبــارك مخـــادع وغشـــاش |
هذه من أبيات للشاعر علي بن شعلان الزهراني بأبو سلطان
هذه من أبيات للشاعر علي بن شعلان الزهراني بأبو سلطان
تسمعوا قول بن شعلان = بالحق واجب نسولف لك ويقول مامت يافـهران = مادام فرحـان ولدن لك ولاهنت لاهنت يافرحان = واللاش ماهو خـوي لك ماعده إلا من الشيخان = سبــاق للطـيب ويــدلك تعيش يامكرم الضيفان = والبــخل عــداك ويـذلك ياذابح الحيل والخرفان = لاعطبت إيدك وتسلم لك |
هذه القصيدة قالها مهدي بن عبار العنزي مادحاً فيها فرحان بن فهران المطرفي
شوفك يسر قلوبنا يا أبو سلطان = حيثك من أهل الجد وأهل الشهـامه من ساس قوم باللوازيم ويلان = حريبهم ما يهتني في منامـه يومنها بالسيف والرمح وسنـان = ليا هاجت الهيجا تفك الجهامـه واليوم كل النــاس في أمن وايمان = وكل على ما قيل يبنـي خيامه ربعك هل العشوى بحزات الاكوان = ودرب المراجل ماسـكين سنامه أقولها واجهـر بهــا سر واعلان = و لا خير باللي ما يميز كلامه علمك ظهر بالطيب والطيب ميدان = مايدخلونه تابـــعين الرخامه والناس مبطي قالت الجـود عنوان = لآهل المروه والوفا والزعامه والعلم لو لا بذل الأموال ما بان = ودرب الحلال مبين من حرامه وش يمنع الطيب ليا بار كوبان = هو ما درى إن العمر تاليه خامه وأهل المراجل يوم يطرون فرحان = ما رافقوه أهل الردى والنمامه قبلي بدا بالشعر والقول راكان = المدح يآهل الجود مابه ملامه والرجل له مبدأ ومنهج وميزان = وترى السمينه ما تسمى هلامه و من لا نفع من جاه عاني وحيران = الناس تفقد هيبته وأحترامه تمت وصلي عد هتان الامزان = أهديت شعري وأنت تفهم مقامه |
قصيدة للشاعر: اديهم العنزي
سيرت لبوسـلطان ريف الهجافي = له مجلسن يكرمبه الجار والضيف فرحان أبن فهران قرمن سنافي = غني أبوسلطان عن كـل تعريف المطـرفي شـوق عذب الرهافي = طـيبـه مـابه لا تـصنع ولا زيف تشـهد خيامه تحتضن كل حـافي = يلـقابها قبل العشاء خاثر الكيف وخرفان تقلط في صحون أنضافي = ودلال علـى اجوار ناره مهاديف يـفرح أليا جاله من البـعد لافي = وفي مجلسه يزدادحشمه وتشريف ومدت يمينه عن يساره تكافي = وأطلق من سجن الرويس المواقيف وأليا شبت النيران ناره اتشافي = مثل العلـم بعـاليـات المـشاريف والياجاءمن بعض الرجال اختلافي = أقوى من البالود وأمضى من السيف امـضى من الحـد والحـد كافي = مـصقول يقـطع بالوسـط والأطاريف يسقي العـدو بكاس سـم زعافي = وعـالي بنفسه عن جـميع السفاسيف مـالاذ مـقطـوع مـالـه مـلافي = يـاكل ويشرب من صحون مذاريف واليا جـا نهار فيه عض الأشافي = أعـداه تمشي من مفعوله مخاويف اليا قيل أبو سلطان جاهم ارجافي = وأن عدوا العراف سيد العواريف يلف على اللي يمكرون التفاقي = وأهل الوفاء يخضع لهم النفس تكليف ومن حرماله يعطي العطاياالخوافي = يعطي العطا محدن دريله ولا شيف صديق لمن صادق من الحقدصافي = أصفى من نقع المطر بأول الصيف ذرى مـن بالـبرد ماله ألـحافي = ذرى الضعيف عن لفح حرالعواصيف ونفسه عن الهفوات فيها عفافي = تـشوم للـعليا ولاتـداني الـحـيف الوايلي المطرفي ماهـو خافي = ترعـابه شـقح الـبكار المشـاعيف من لابـة مثل الحرار المشافي = كـم فرقوا بأفعالهم من مواليف رجالهم يـوم اللقى مايخافي = يطوعون اللي براسه زعانيف مطارفة أليا جاء نهار الهتافي = حماية المظهور ماهي سواليف وتلقى الفداوي نايمن بالرفاقي = ياكل ويشرب منقولهم المصاريف نعم بهل العشوى حماة المقافي = حماية المـقفين مـاهي تخاريف أليا جا يوم فيه طعن الشلافي = لطامة العايل بحد المراهيف وأليا حصل بين القبايل تجافي = عن فعلهم تقصر جميع التوصيف الضد يقفي عن ظعنهم عيافي = عقب الطمع يقفي بحسرات ومعيف وعن فعلهم ماشاب نظم القوافي = لكن اختصرت القول بشرابة الكيف هذا وانا ماقلت قول ينافي = والناس لها عادت ومذهب وتصنيف وخاتمتها مسك المعاني تضاني = صدق المعاني مابها قول تحريف |
قصيدة قالها علي غانم العنزي
فرحان بن فهران رجل المشاكيل = من صكته سود الليالي أنتخابـه تقصر على فعوله خطات الرجاجيل = اللي عن الـلافين ماصك بابـه يشيل ثقيل الحمل لوأن مـابه حيل = يـوم ولد الـلاش يضحك بنـابه اللي على الصاحب مثل طيرأبابيل = اللي لياقضى الحاجةأخذها ورمابه لا تأخـذ بالخاطر فعـول المهابيل = اللي الياجت الغانمة ماسعا به أنتم مساكنكم بروس الشـهاليل = والبوم تعرف مسكنه بالخرابه الله يحفظكم عن الـعسر والمـيل = بجاه من ينشئ بجوه سحابه |
للشاعر/ علي سليمان ألسليطي الشمري
يالييل سلم لي على الشيخ فرحان = سلم على زيزوم شمر وعنـاز شيخ أصيل ومن مواريث شيخـان = الشيخ أبوسلطان بالمرجله فاز مثل القمر اللي بـكبد السماء بان = يسطع من جدة الى حدالأهواز بشجاعته به من أسـاليب راكـان = وبإمارته يشبــه لفيصل وفواز بالطيب والمعروف مامثله انسـان = وترفع له الرايةعلى كل مركاز للطيب والمعروف والمجد عنوان = لصعب المراجل والمواجيب فزاز عز النشا مامن نضانض كحيلان = من لابة للمجـد والطيب تنحاز اطـلق مسـاجين تحت قيد سجان = باسرع من توليعـة النار بالقاز واضح بسيط مامشى بدرب هامان = لكن خبيرفي صعيبات الإلغــاز وياعدوا الشيخان عد ابن فهـران = غصبا على اللي للأجاويـد لمـاز |
الشاعر/محمد حسن القيسي
البـارحة مـانمـتُ وأنـوح نـوْحـي = كنّي كسير الساق والقلب مطعون همٍ سـكن بالقـلب عيـّا يـروحـي = عـانيت منه وكـثرالناس يـدرون من الزمـان اللي علـيه شحـوحـي = من شـافني قـلي سـفيهٍ ومجنـون مـا يـدري إنـه دايمـاتٍ جروحـي = نــاس تصــفق والـــبقيه يغنـون والهم في قـلبي يحـطم طموحـي = غديت كنّي داخل السجن مسجـون وقمتُ أجر الصوت والناس توحـي = قالوا عـلامك قلتُ يالربع مغبـون وا قلبي ياللي من خفوقه يفوحـي = فـوح الدلال اللي على النار يغلـون واللي بقلبي مـا يبي له وضوحـي = وضحتُ ومابي ياهل العرف تكفـون أبغى النصيحة يالصدوق النصوحي = علمني ويش الحل يالقرم وش لون عـلمٍ وكـاد ولا يبي له مزوحـي = غديتُ كنّي بين طـاعن ومطعـون فرحان أبوسلطان عالي الصروحـي = ياما على بيتـه من النـاس يلفـون مـا ظنتي غيره يـداوي جروحـي = اللي على جـاره وكـيلٍ ومـأمـون يا للي على نيل المكارم طموحـي = ومن الخطأ يامعرب الجـد مصيـون راعي الكرم ماهو بخيلٍ شحوحـي = يمنـاه تنـدى مثل غيـمٍ به مـزون |
الشاعر/محمد الخالد الشرعبي العنزي
مبداي بأسمك يارفيع المقامي = ياخـالق الدنياوباسط سهلها أرجاك تغفرلي جميع الأثــامي = ياغـافر الزلات للي عـملها ومن بعدذاخصيت مثنى كلامي = فيه التحية للمكارم واهلها مخصوصة فيها مناهي سلامي = مثل نسوم الطيب تشفي عللها تلفي على فرحان ذاك الهمامي = تــاتيه مني سـاعيه عا مهلها الوايلي مابه اعيوب وتهـامى = شخصه ترى كل الفضايل شملها عزالله انه من وجيه الكــرامى = تلقاه لفعل الغانمات يعملها من لابـة لاصار شد الحـزامي = حـريبهم مانـال الا فـشلها مطارفة بالعون سقم الخصامي = الكل منهم بالمعارك بطلها يردون حوض الموت ورد الظوامي = لاصاربالجمعين كثرةوشلها ونعم السحالي من الشيوخ القدامى = اهل الشويهه مثل عالي جبلها الشرعبي يهديك خط الأقلامي = وأبيات ود من ضميره نهلها الله يفكـك من عسير الأيـامي = وكل طيبة ياشيخ علك تصلها وأختم كلامي بذكرسيد الأنامي = محمد رسول الله خاتم رسلها يشفع لنا في يوم كثرالزحـامي = كل عقدة بالعون عنده حللها |
الشاعر/أديهم بن محمد العنزي
ياشيخ عنــاز وشيخ شمـر هل البـوش = أنت الذي محسوب من الناس باشه بـاشـه لبس من حلة المجد طربـوش = وحضي بمجد أبوه وجده وعاشه يا شـمعة الصـبيان يامـدلـه الغــوش = والوجـه طـلقٍ دايـم به بشاشه المطرفي فرحان اليـاحـتمى الهــوش = عدوه من خفوقه يزيد ارتعاشه لوهو بدورأول وأعتلى صهوة كروش = يجندل الفرسان والبوش حاشه هشـوش لياقـيل بالغـوش هـشـوش = وصعب المراس اليابديت بالنقاشه وبالجود مثل الغيث تروي به عـطوش = وتحبا الأشجاراليابسه من رشاشه ســارو بـعلومه منـاديب وطـروش = ماهو بعيد يطلع على كل شاشه ياشوق من رشت على الجيب حبشوش = وغيرك ماحد يجرى يقرب فراشه ترى الرجـال أصناف عاقل ومربـوش = وفيهم قليل العرف وفيه الدباشه وفيهم ذهين وفيهم أمـجاد وأخـتوش = وفيهم اللي قلبه جناحي فراشه |
الشاعر/محمد حسن صيفان اليماني
بــديت بسم الله رب الجـلالي = من يطلبه طول الدهر مايخافي سر ياقلم واكتب على بــالي = واكتب بيوت منظمة بالقوافي واذكر بها فرحان ذيب الرجالي = كريم سبلا وللمهمات وافي وقله ترى قلبي يزيد اشتعالـي = وانت الذي تظفي عليه لحافي في مجلسه تلقى الصحون ودلالي = ماهو من اللي يذبحون العجافي انا اشهد انك يابوسلطان عالي = فوق الثريا منت بالأرض خافي يوم انها قصرت علي حبالي = نصيت لي قرم كريم سنافي فرحان أبوسلطان نسل الرجالي = وافي الخصال وماعليه اختلافي وربعه هل الطولات يوم النزالي = مطــارفـه بمصقلات الرهافي ياشيخ أنا والله عليم بحالي = وأنت الذي تعطي بليا حسافي فزعتك ياشيخ الشيوخ الجبالي = سروعلن منت على الناس خافي صيتك لمع شرق وجنوب وشمالي = طيب وكرم مثل الذهب دوم صافي تشهد لك خيام تفرش زوالي = ياستر من تظفى جديد الغدافي أقــولـها والله عليه أتكالي = بشوق من قرنه على المتن ضافي فرحان علومه كل أبوها جلالي = يفرح لا جاله من البعد لافي |
الشاعر/ أسمير العضياني العتيبي
يا مـرحـبا أعـداد جـمع الطـوابير = وأعـداد مارشش صدوق الخيالي ببيــات أحـلى مـن در المـصاغيـر = للـشيخ فـرحان كريم السبالي شيخ على أشداده للوجيه المسافيـر = ريـف على ربـعـه عـدنٍ أزلالي يا حاتم الـطائي ويا سـالم الـزيـر = ويا عنتر العبسي نـهار الجدالي |
الشاعر / محمد حسن علي صفيان القيسي اليماني
يا الله يا اللي عالمن كل الأسرار = خالق جميع الكون ومنشي السحايب تـفرج لمن قـلبه تزايد به أخطار = وجـار الـزمـان و سـيبته القرايب قم يا رسولـي يم فـرحـان سـيار = شيخن يـضل اذراه ركـب النجايب يـلجا له الملهوف والضيف والجار = ويـحل صـعبات الـمحن والنشايب يامن بقربه من عليه الـزمن جـار = تصبح حـياته عـقب ضيقه رحايب في فـزعته يجري مع غـيثه أنهار = تروي عطش من غرغرته المصايب له وقـفتن ما يـصله حـد الابصار = شـامـخ على كل الشـوامـخ ونايب حصنن لمن ينصاه من ظيم وخطار = في بسمته تصغر كـبار المصايب يا المـطرفي حـملي ثمانين قنطار = والـقلب به نـار وسـعير ولـهايب يا الوايلي أنا خـابرك حـامي الجار = ابـن الـوطن لا داهـمته الـنوايب ابـن الـولا شيخ الـولا بير الأسرار = دون الوطن يرخص عيال وسلايب له حكمتن لا صـابه الـوقت بعصار = يـحلها كـحيلان مـا عـاد خـايب من سـاس من هو للمعـادين جـبار = فـهران بن جدوع سيف الـطلايب عسـاه في الـجنه مع شـمل الابرار = مـنزله الـفردوس مع كل تـايب وصـلات ربي عـد من حجم ثم زار = عـلى رسـول الـبينه و الـعجايب |
الشاعر/محمد حسن أبووضاح القيسي
وعـدتني يا الشـيخ ووفـيت وعـدك = يالصـادق الوافي صدوق ووفيت ياللي خذيت الطيب من عـقب جـدك = وياماكثيرمن الجمـالات سويت بالـطـيب والمعـروف مـافيه قـدك = رقيت فوق المجد يا راعي الصيت انتــه الوفـاء والـجود محدٍ يـردك = مـايـوم عني يالــسحالي تخليت ياللي ملكـت الجودوالطيب وحدك = ارجوالسموح إن كنت بالقيل زليت وقــلوبنا لـك بالـمحبه تــودك = مانجحدك ياللي على الجار وصيت ياما عطيـت الجار من جـود يـدك = و انتــه على درب المعـالي تعليت عـسى السنين المجدبة ماتحـدك = ويحمـاك ربي وين ما رحت أو جيت اليا صرت مضهودٍ ولحـدٍ يـمدك = ازبن أبـوسلطـان ومشي على الصيت يشفي الجـروح اللي عليلة بكبدك = ويـطفي لهب نيـران منها تكـويت يـالشيـخ كل الطيب والجود عندك = ورثٍ من الأجـداد ماهو بتصويت وتاجٍ على رؤوس المشاكيل مجدك = وليا انتخوبك بالوازيم كفيت أبغى جوابك وعطني اليوم ردك = ياللي بظلك من حما القيض غطيت انتــه من قـروم النشـامـا نعدك = وقت الشـدايـد حـاضرٍ مـاتـوانيت |
الشاعر/ محمد الشمري
بـديـت باللـي كل الـعباد دونه = اللـي خلق للناس جنة وقـرآن ياواحـد كل الـعرب يـرتجونه = للـخير مـفتاح وللـشر مـيزان الطيب ياأهل الطيب ياللي تبونه = الطيب ماياتي على غير بـرهان ابـوسـلطان مـهرّج اللي يجونه = يمقلط فوق المشكل لحم ضـان يفـداه رجـلاًً عانته يـكرهـونه = اللي عن الواجب تخفى ولا بـان |
الشاعر/دهيم بن محمد العنزي
قـال الذي مـا نـام لـيله نهاره = وقـلبه من الهوجاس بالـصدر ما قر سـفينتي ضـيعت وجـهة مساره = ضـنيتها مـا عـاد تـرسي علـى بـر غـدا بـها مـوج شـديد عـصاره = ومـلاحها جـنب عـن الدرب مضطر مـال الزمان وكل ما به خساره = لا بـضاعـة تكـسب ولا صـاحب سر قـاسيت من ضيم اللـيالي مراره = وأخـذت مـنها كـاس مليـان بالمر والأصدقاء عنهم كشفت الستاره = وشفت الوجيه الضاحكة لونها أصفر وسألت نفسي قـلت ويش العباره = من شـافني جـنب طـريقه ولا مـر وان جاء مجالي صوروه بحقاره = مالـي من الحـسنات تقلب الـى شـر استثني ابوسلطان ذيـب الـمغاره = اللـي علـى درب المشـاكيـل شمـر شمّـر عن زنوده بـعزم وجـداره = فعـل الجـدود الأولـه زادهـا الحـر مـا غيـرته مغـريـات الحـضاره = الــوايـلـي بالمـدح تزهـالـه صور |
الشاعر/محمد حسن صفيان اليماني
سر يا قلم وكتب حروف ومثايل = أبيـات من دولاب فكـري تجـودي وخـص من هـو للـمهمـات شايل = فرحـان ابوسلطان ذرب الجـدودي راعي الكرم والمرجلة و الجمايل = يـوم الوغـل قـدام ربعـه يــذودي المطرفي اللي اكتمل بالخصايل = ما هـو على نيل المكـارم جحـودي يا الـشهم يا الصنديد يا نسل وايل = وعــدتني ووفـيت كل الوعـودي ليا جـار حملي أنت للحمل شـايل = وأنت الذي صيتك تعدى الحدودي تـاريخكم يعجز عنه قـول قـايل = يالـوايلي ربعـك قـروم وفهـودي من فـوق قبـن طيبـات الأصـايل = بـمصقـلاتن يـنزعـون الكـبـودي يا شوق من قرنه على المتن مـايل = والخـد برقـن لاح بين الرعـودي يـوم الخيـام عندي شهـود ودلايل = بـمفطحـات للـنشامـا تــجـودي تـشهد لكم بـالطيب كل القبـايل = ونجد العـريضه ياعريب الجدودي ليـا جـا نهـارن فيه شب الفتـايل = تقـود ربعـن كل بــوهم اسـودي هذا عـوايد من على المجد نـايل = يـشهد لك التـاريخ وحنا شهـودي يالمطـرفي يالـتغلبي ياابن وايل = أنت الـذي جـودك يغطي النفـودي وأنت الذي يطلق عليك المثايل = صيتك لمع من بين كل الحشـودي لك يشهـودن مـتعبين الأصـايل = وهل السيـوف ونـاقلين الــبرودي والـناس مـا تـمشي بليـا دلايل = وأنا دلـيلي منك صـرف الـنقودي وأنت الذي ليا جت هجافا الزمايل = تقلط لهم خرفان ودر الصعـودي يا المطرفي يا ضد مخطي وعايل = والـبيت ما يبنـى بليـا عـامـودي ونتـه عـامود البيت بحر القوايل = وأنت الذي بعسر الليالـي تجـودي عـملت في دنياك حـلو الفعايل = يفداك من وسط المجالس هبـودي مـا عـنده ألاقـول قيلن وقـايل = مصدر حكي وقت اللـوازم شـرودي تمت وأنا بصدري تـوالا المثايل = متـوالــين مـثل صـف الجنـودي |
الشاعر / غازي راشد العصّاي العتيبي
اليا تكدّر خـاطري و الزمن مال = ذكـرت منهم يدركون المعـالي أمثال شيـخ طيّب الجدّ و الخال = فرحان أبو سلطان ملفي الرجـالي شيخ من شيوخ له المجـد مازال = يضحك على وجه الزمن والليالي فرحان أبو سلطان هو طيّب الفال = شيخ الى عـدو فحول الـرجـالي حـكيـم رأى للمنـاعـير مـدهال = زبن الـغريب و فـزعت للـموالي فـرحـان ما جئتك أغني بـموال = جئتك بهمّ ضـماني و أرتـكـالي أفنيت عمري مجتهد ما به أجدال = لاجل الوطن يرخص عزيزً وغالي عبـر الأثيـر أرسل قصيدي للأبطال = ويحـاربه نجّـار يا هـمّ مـلالي يوم الدلى ومصـافق الجال بالجال = نـنزل و مـنزلنا رفـيع و عـالي واليوم أشـوف الوقت يا شيخ ميّال = عبد الغنـم أصبح عليـه متعـالي نـجّار و أشـكاله خـبثين الأعـمال = يعقّـدون أتـراثنـا يـا حــلالي في عهد حكّاما لها العدل منـزال = ما تـعدى بـه للـبشر و الأهــالي الظلم عن مثلي تزيـله و بالـحال = وأنا خدمت أكثر من اللي جرالي يـحدّني سنـدي وهنـدي للأنـذال = والناس ما تدري عن اللي جرالي يا لمطرفي وأنتم عظيمين الأفعال = وأنتم أهل العشوى علا كل حالي فزعتك تكفيني عسى أيامك أطوال = وأنت الذي تدرك صعيب المنالي |
الشاعر/ دهيم بن محمد العنزي
يا راكـب اللي مد في وقـت الأذان = جـمساً حـمر صـافياتا ابـلوفه وارد امـريكـا و امـنوه الـمريكان = وارد طـلبيه بـكامـل أوصـوفه يولم كما يولم على الصيد شيهان = مثل السهم ممشاه ما أحد يطوفه منصيه بالـمكتوب للـقرم فـرحان = يـلفي لـقرمـاً مـكرميناً ضيوفه شـيال احمـول الـنشامـا أبـليهان = يبرك بـحمله لـو أبشيله كلوفه قـله تـراني جـاهزاً كل الأحـيان = عند الطلب واجـب نقدر اظروفه لازم نجازي راعي الطيب باحـسان = واللـي وقـف معنا نـعزز وقوفه والله ما أنسى موقف لأبوسـلطان = ولاأنسى على طول السنين معروفه لوهو بموقف حرج ماهو بزعلان = ولا هو من اللي طيبهم به احسوفه حـاول لنا تمديد في قدر الأمكان = يا شـوق من حناه يزهـى كفوفه بنت الرجال اللي تروى شبا الزان = وقطعانـهم ما كل حـايف يحوفه |
الشاعر/ مثقال سليمان المحيا الشمري
يا الله يا رزاق يا عـالـم الــغيب = يا رافـعاً سبـع الـسما عـن وطاها نـصيت أنـا رب وسيـع الـمطاليب = هـو الـذي يشـوف مـنه نـصاها يـرحم حـياة اللي بقلبه لـواهيب = والـحال اذوت مـن مـصايب بلاها كـبدي يـكونه حاميات المشاهيب = والـعين هـلت دمـعها مـن شقاها مالـي جدى يا كود خط المكاتيب = أخـبرك عـن حـالي تزايد عناها وبين الـحنايا مـقفلات الكـلاليب = و عـز الله أنـي مخطر من بـلاها أشـكي لبوسـلطان ذيـب ولد ذيـب = ليا صـارت القـالات يكسر عداها أبوك قبلك كاسب المدح والطيب = ليامن أقبلت خيل المعادي حداها فـهران بن وائل عـطيب المضاريب = كـم واحـد خـلاه يشـكي بلاها و زبـنت أبوسـلطان ريف المتاعيب = للـضيف والـجيران حـلواً نباها كـريم سبـلاً بالـسنين المصاعيب = بيمنا نـديـه ما يـوصف عـطاها شكيت لك من جـروحي معاطيب = و الهجس والهاجوس قلبي كلاها وصـلاة ربي عـد نبـت الـمعاشيب = عـلى الـنبي تـعداد ليـل غـشاها |
الشاعر/محمد بن حسن اليماني
يـقـول مـن صـاغ القــوافـي بتـرتيب = أبيــات شعــر من ضـميره غـرايب يقـولها اللـي لـه مـع الـناس تـجريب = وهمــوم قــلبـه غــاديـات سـرايب فـي مـدح شيـخ مـا لـقا بـه عـذاريب = فـرحان ريـف اللـي من الـوقت ذايب سـلام لـك ياراعـي الـمجد والـطيب = يا للـي بـفعلـك ينتخـون الـقرايب مـن خلقتــك لمـا راسـك الـشـيب = عـالي علـى روس الطـويـلات نـايب فـرحان أبوسـلطان راعـي الـمواجيب = مـن لاذبـك يالـقرم مـا راح خـايب لك فـزعت تشفـي جـروح الـمصايب = ويبـرا الـعليل ويصبح الجرح طايب فـعلك تعـدا سـالم الـزير و كـليب = و عـنتر ابـن شـداد وقـت النـشايب و عـديت حـاتم بالـكرم و الـتراحيب = يـوم الـسنين الجـرد نـارك لـهايب مـجنـب عـن الــرديــات تــجنيب = وللـمجد ترقـى فـوق عـالي الـرقايب زيـزوم مـا رافــق ردي الـمذاهيب = حـلحيـل شـيـال الأمــور الـصـعايب ما نمدحـك زورٍ ولا هـي أكـاذيب = هـذي الحـقيقة يـا عـريب الـنسايب يـوم الـسنـين الـمدبـرات الـمجاديب = تنـدا يمينـك مثـل مـزن السحايب تلقـي الصـحـون اللـي وسـاع الـمناكيب = يـشبع بـها طفلٍ صـغيرٍوشايب يالله يلـي تـسمـع دعــاي و تــجيب = يـا واحــد بأمـرك تســيرالـهبايب تكـسيه ثـوب العـز بيـن الأجـانيب = و تـجعل حـياته مـا يشـوف الغـلايب وبعـض الرجـال ما ينحسب له تحاسيب = خسيس طـبعه مـايعـرف الوجايب يـسب نــاس مـفتلـين الأشــانـيب = اليـاجـا نـهــار فـيه جــدع الـرقـايب مـا فيـه مـعـروفٍ ولا فـيه تـأديب = دايـم جـبـان و دايــخ الــراس خـايب ردي حــظه مـاشـين بالـتخـاريب = مـثـل الـبهيـمة مـربـطـة بالــزرايب وبعض الرجال الياجيت ينهض كماالذيب = ويفك عنك المعضلات المصايب راعــي شـهامـه وطـيب زيـن الأسـاليب = لـه قـيمت عنـد البعيـد وقـرايب صقـر الصقـوراليـا ضـرب بالـمخالـيب = الـدم مـن يـمناه يـجري سـكايب هـذا مـثـل فــرحـان طـيبٍ علـى طـيب = مـن عـانده خلـى ديـاره خـرايب يالشيــخ والله ماذكــر بـك عـذاريب = منـسـاك لـو حطـوا علـي النصايب الـطيب سـاسـك مـا خـذيتـه بتدريب = يـاللـي علـى الطـولات والمجد نايب خـمسـين عــام وأنتـه تلـبي المـطاليب = جـمايلـك مـا هـي علـينـا غـرايب عـلم وكـاد ولا يـبـي لك تـجاريب = الـطيب أخــذته يـا عـريب الـنـسايب بـعت الـزوالي يوم شفتـه فـضي الـجيب = إكــرام للـعانـي ولا راح خــايب وفـكـاك ازمـات الـرجـال الـمطالـيب = يـا راعـي الفـزعـات والشـور صـايب يـاشــوق من عيت على كـل خـطيب = بـنت الحـرار اللـي بـروس الـشـذايب وصـلـوا علـى من رتـب الـدين تـرتيب = شـفيعـنـا فـي حـرهـا و اللـهـايـب |
الشاعر/ محمد حسن صيفان اليماني
الله مـن هــمٍ بـقلبــي نـــزلـه = وبـديـت في نـظم الـقوافـي بـترتـيب البـارحة مــا نـمت باللـيل كله = والنـار شبت والحـشـى بـه لــواهـيب اقـنب قـنيب الـذيب ممـا حصـله = في لـيلةٍ ظـلماء بـروس الـمــراقـيب قـم يارسـولـي يـم فـرحان قـله = قـلـه حـياتــي يـالسنــافـي تـعـاذيب حيثـه كريم الكـل يعـرف محله = تــاج عـلـى راســي ولا بـه عــذاريب وكم من فقيـر عـايش تحت ظله = يمنـاه تنــدى بـالـسنيـن الـمــجاديب كـريـم سبـلا والـوفاء عـادةٍ له = ما هـو من الي ينـقل الهـرج و يــجيب وعــندي علـى هـذا شهـود وأدله = الـمطـرفــي دايـم يـلبـي المـطالــيب وبعض الرجال لوكنت جاره تمله = وبعض الرجال أهل الوفاء منبع الطـيب وبعض الرجال لو جار حمله يشله = وبعض الرجال ما يعـرفـون المواجـيب وحـدٍ علـى ربـعـه شجــرٍ مضله = وحـدٍ علـى ربـعـه سمـوم و لـواهـيب وحـدٍ علـى ربـعـه مـعبـه و عله = وحـدٍ كـلامـه يبـري الجـرح ويطـيب كـلٍ نهـج فـي منهـجٍ جـايـزٍ له = والشـاه ما تسـرح مـع السبـع والــذيب والطيب لأهـل الطيب يـاواصلٍ له = وكـلٍ خـذا لـه فـي حيـاتـه تجــاريب أمشـي مـع الـوافين والـنذل خله = لا بـه جـميل ولا تـربـى علـى الــطيب هـذا حيـاتـه عـايـشٍ فـي مـذله = ثـرثـار بالـمجلـس ولا يـعـرف الــعيب ويا الله يلـي غـافـر الـذنب كله = يـا واحـد يسمـع دعـاء العـبـد و يـجيب تغفـر ذنـوبي يوم كشف السجله = ليـا جـا نـهــارٍ بـه حـسـاب و تـعـذيب |
هذه الأبيات التي قالتها عمة فرحان مغيضة جدوع
الـطيـب سـاس وتـرتيبي = ما هم من اللي بهم كنه أبـوسـناء بـالـمواجـيبي = يقضي اللـوازم إلـى جنه وأن جنه شـرق وتغريبي = و اليـالفـن مـا يتـعـدنه من مـطلقين المحابيسي = حـتى العــذارا يـزورنه |
الشاعر: محمد حسن صيفان القيسي
البـارحـة جـرح بـقلبـي كـواني = وجريت من بين المعـاليق و نـات وكـتبت من فـكري بيوت ومعاني = للعارفين أهـل القـلوب الفـطينات مـنهم أبـوسلـطان جـزل الحساني = حلحيل شيال الحـمول الثقـيلات ساخي اليمين ومن حر ماله عطاني = وما يلحق العطوه حسايف ومنات صـقر ترعـرع مـن جـذور متـاني = صيده سمين ولايصيد الهزيـلات بسمـر الـقنا ومـرهفـات السنـاني = نلتوا المعالي من عصورٍ قديمـات لـك منـزلٍ في عـالـيات المبـاني = ولك بالثريا فوق سمره وقيلات وأنـا عـن التعبيـر يعجـز لسـاني = إلكم على هام السحب فوق دورات أولاد وايـل مـن قـديـم الزمـاني = والكم على العدوان يالشيخ صولات فـرحان ياللي ضد كـايد وشـاني = من عـاندك يلقى مع الويل ويلات وربعك هل الطـولات سر وعلاني = مـطارفة يـوم انتخـوا بالشويهات وأنا ليـا جـار الزمـان وجفـاني = وكثرت همومي والسنين المخيفات ذكـرت ربـعٍ يفهمـون المعـاني = ونصيتهم لا صـار بالـدهر ميـلات منهم أبو سلـطان رفيع المـكاني = راعـي العلـوم الطيبـات الجميـلات ما قـال ذا سعـودي وهذا يمـاني = له بالرجـال اللي عـزيزين نظـرات يشهد لكم بالجـود قـاصي وداني = عسـى حياتـك يالسنـافي مسـرات في مجلسه تلقى صحون وصياني = يذبح سمين الضان يـوم المجاعـات سـيله ليـا حــدر يعـم المـواني = له همةٍ عـدى البحـور المحيطـات ليثٍ على العدوان و للمجد بـاني = خلى سباع البر يمش(ن) مطيعـات وهذي تحيات ابن قيس اليمـاني = تهدى لمن شـال الحمول الثقيـلات |
الشاعر: محمد حسن صيفان القيسي
يا لله يا رحـمان يا عـالـم الشـان = رب(ن) كـريم وسائلـه ما يخيبي تفـرج لمن قـلًبه معـذب وحيران = ويشكو علـى رب الخـلائـق يجيبي خالق جميع الكون والإنس والجان = ويجير عزا من كان جرحه عطيبي أحس في قـلبي حـرائق وبركان = وجـار الزمـان وقـلت هـذا نصيبي وشيل في جوفي وساوس وكتمان = مـن الصبـاح ليـن شمسـه تـغيبي ومـن ذا نـاديت للـشيـخ فـرحـان = ابن الكـرام ويكـرمـون الغـريبي أفعالهم تذكر على طول الأزمـان = وزود(ن) على هذا شجاعة وطيبي وهذه قصيدة تاصل الشيخ فرحـان = شهـم(ن) لفكـاك النشب مـايغيبي يشبـه بهدًاتـه كـما ذيب سرحـان = ليا جاع تالـي اللـيل يقنب قنيبي يا شيخ أنا جيتك مسيّر وعجـلان = يلـي بعـادات الكـرم لـك نصيبي عادتـكم عمّت صديق(ن) وعـدوان = ويحكـى بـها عند البعيـد وقريبي يا المطرفي جدك سلايل كحيلان = وبوك يبـرز في الزمـان الصعيبي متوارثينـه بين حضـرن وبـدوان = قول الصمـايل عند شب(ن) وشيبي تشهد لكم حرب وجهينه ومطران = و الدوسـري و الشمـري و العتيبي |
الشاعر/محمد حسن صيفان اليماني
يا الشيخ جفيت الدار ولا الدار جافيك = يومين عنـا غـايبٍ مـا تـجينا لـولا غـلاك يا الشيـخ ومعـزةٍ فـيك = منشت عـنك يا سخي الـيمينا أنت الــذي دايــم بعيـده مـرامـيك = وأنت الذي صيتك مع الغانمينا لا عـاش من هو يالسحـالي يعـاديك = يا مروي العطشان بجرد السنينا ليا جـاك مضهودٍ من الضيم ناصيك = تعطيه من غـالي الحلال الثمينا أنت الـذي تسهـر عـدوك مغـازيك = ضد المعـادي وتنطـح الطامعينا ما فيك عذروبٍ ولا فيك تشكـيك = عذروبك أنك مروي العاطشينا عـز الله أنـا يا بن الأجـواد نغلـيك = والا الـردي من شـوفته ما علينا الكـل منـا يابـن فهـران يـرجـيك = أنت الأمـل يـا تـرفـة الغـانمينا بروحنـا يـامعـرب الجـد نفـديك = وحـنا على درب المـراجل نـشينا الطـيب لـك عـادة وورثٍ وتمليك = تعـاقبـوه أجــدادك الأقــدمـينا و ربعك بأيام المعـاسير تحمـيك = بمعسكرات الخيل جـوا مسـرعينا فعلـك وشيخان القبايل تزكـيك = ما يجحدك كـود البخيل اللـعينا الله على حـب الجمـالات معطـيك = يا اللي على الشـدات حبلـك متينا من فوق هام السحب شيد مبانـيك = أتنــه ونجــم سهيـل متقـارنـينا كل العلـوم الطيبـة تنطبق فـيك = يا شوق حور العين صـافي الجبينا أبو شعورٍ اليـا أنثرهـن تـدفـيك = وحمر الخـدود ونـاقشات اليـدينا قَدًّمت معروفك فـلاني بناسـيك = دايــم علـومـك تسبـق الأولــينا أهلا هلابك أنت واللـي موالـيك = يااللـي ليا جـيت المجـالس تـزينا بالمسك والريحان والورد نهديك = وفل اليمن من قلب صنعا شـرينا |
هذه القصيدة قالها عساج مهيدي العنزي
ياحسين لا تبكـي تـرا القلـب مـرهاش = وأن ضاق خلقي بالكم تسألوني وجدي على اللي نزلهم من وراء الطاش = وشيب عيني كأنهم يذكروني صبـري مع الأجنـاب كني على نـعاش = وياليـت حبلـى ينقلنه قـروني ويـاليتني عـن ديـرة الـزور منـحاش = والبـق عسـى ما شـافنه عيوني يـا أبـو سـناء يـا بعـد كـل هــلاش = ودي أشوفك والعـيال أذهبوني |
ولقد جاء الرد على قصيدة فهران جدوع العنزي وقد قالها دهيم محمد العنزي نيابة من أبنه"فرحان فهران العنزي"
خطـاً لفـانـي زاد قلبـي بتشـويق = من والــد يعطف عليـه بوده ورحبت به ترحيب قلوب المشافيق = اللي تلاقوا بالوعـد عقب مده وقـريت عباراتـه بنظـرة وتطبيق = وأنا لكم مرهون في كل شده والطيـب نعمل به تجارة وتسويق = وكم قاصـر حبلـه علينا نمده نشـوم للعليـا بـروس الشـواهيق = يـوم خطـوا اللاش نفسـه ترده نعمل بالحسنى ولا نـريد تصفيق = واللى تمـد ايمـاننـا مـا نعـده يا والدي لا تطيع هرج المطافيق = اللي لهم في عرض الأجواد هده أهـل النميمة والعلـوم اللصاميق = هـراجـة المجلـس بليـا مسـده أبــوابهـم عن النشـامـا مغـاليق = وطيبـهم عنـد مزينـات المخده |
.
قصيدة سليمان الجفري العنزي في مدح أبي سلطان : فرحان بن فهران فكاك الأنشاب = فعولك يا أبو سلطان ما هي خفيه يالمطرفي رفعتنا فوق السحاب = والله ما أجامل ولا أنطر عطيه إن شفت في جده ديوان له باب = مفتوح دايم ولا يسكر مسيه اعرف ترا فرحان موجود ما غاب = يهلي بضيفه ويحتمي للسميه هذا الصحيح وإنت طيبك فلا غاب = عن القبيلة كلها بالسويه ما عندك التفريق ولا عندك أحزاب = تفزع وتعطي ولا تدور هديه والله لو أعرف لألف لك كتاب = إسمه أمير العزوة الوائليه وأحط إسمك فوق مع صورة عقاب = وأكتب أبو سلطان راع الحميه الأبيات كما وردتني . |
.
أبيات مغيضه جدوع الحسناء بأبو سلطان : مشيت من عندنا وأقفيت = نهجت والقلب ما وده مع السلامة يا نور البيت = من الخرج لياما تجي جده نفسك ما طابت ولامليت = اللي لك سنين ومعده . |
بشير سماح الجعفري العنزي : الساعة اللي عرفتنا على رجال = يا علها تعود بأحلى وسيله اللي مثل فرحان للربع مدهال = فرحان بن فهران يعجب قبيله اللي إليا دكت همومك على البال = فرحان يبرك للحمول الثقيله فرحان ياحدك زمانك على الجال = مثل الجمل فرحان حمله يشيله إن جيت له تلقى تراحيب ودلال = وتلقى الرجال بمجلسه كل ليله ومفطح ٍ يقفاه دله وفنجال = ودخون جاوي دايم ٍ له شعيله فرحان بن فهران تفداه الأنذال = رجل مواقف والمزايا نبيله فرحان ما قالوا شحيح ٍ على المال = تنفق يمينه والفعايل جزيله الوايلي راع الوفا معرب الخال = وقفات أبو سلطان ما هي هزيله فرحان يعرف من صناديد الأبطال = شوق الهنوف اللي تكد الجديله يستاهل التمجيد مع زين الأمثال = فرحان حمله يا تبين يشيله من راس وايل ما تهزهز ولا مال = المدح يا قلناه به يستويله والناس مثل الناس والفرق الأفعال = وإلا إنت لك ماقف يعز القبيله |
هذه الأبيات قالها الشيخ غازي عقيل الجربا في فرحان فهران المطرفي العنزي :
وأنا نيابة عن الجربان = ما في مثل طبعك ونوعك أنا أشهد إنك من الويلان = ونعم من احماك وفروعك |
|
| الساعة الآن 08:20 PM. |
Powered by vBulletin® Version
Copyright ©2000 - 2024, Jelsoft Enterprises Ltd.
