طس السبيل من أصفـر اللون طسـه = الشـاوري يجلـي عن الكبـد علـه
من كيس قرم ٍ ضاري ٍ ما يدسـه = كيف ٍ الياقلـط علـى النـار دلـه
الله مـن قلبـن همـومـه تمســه = مسـت حبـال مهـاوزات ألا ظلـه
لا شفت ضول الناس بـالك تعسـه = وان جنبك شـر المخاليـق خلـه
لو عنـدنا من غيـب الأيـام رسـه = الآدمـي مصلـوح نفســه يـدلـه
لا جاك عي ٍ عايل ٍ طـول حسـه = متطمش ٍ والحـق عيـا يـدلــه
يعبى له المعـشى على النقـص هسـه =لياما يضيق النقص من مضنك ٍ لـه
لا رنق المشقـاص وانجـال حسـه = يشيل عن كبـدي صـدا كل علـه


ملاحظه



(( توجد قصيدة لشاعر شمري اسمه راعي الطوير على وزن وقافية هذه القصيده
حتى ان الناس يختلفون او تتداخل عليهم ... ومن كان عنده قصيدة راعي الطوير ويجيبها لنا نكون له من الشاكرين .. وفيه بيت منها يقول ..
والا عجوز ٍ كل حي ٍ تعسـّـه .... حتى سفيه القوم جايز ٍ لــه .