منتديات قبيلة المطارفة الرسمي من عنزة - محاوره شاهر العنزي وسعيد بن زهره الحبابي الاخيره في قلطه الوطن

محاوره الشاعر شاهر العنزي × وسعيد بن زهره الحبابي
الأخيرة في قلطة الوطن 2009 وفي الحلقه الختاميه من البرنامج

شــاهـــر الــعــنــزي
لاهل الكويت الشعـب والحكامـي وضيوفهـم تحـيـة الأسـلامـي
سـلام واقـرب ياسعيـد امامـي ما ضاع حـق مـن وراه مطالـب
ياسـرع مـا جابـتـك الايــام مــدري رضــا ولا غصيـبـه
اصبـر وتلقـى العـلـم قــدام يـدري بهـا اللـي مـا دريبـه
سعيـد بـن زهــره الحبـابـي
لاهل الكويت الحر شعـب وقـاده منـي تحيـات الوفـا وزيــاده
وشاهر نبا ناصـل علـى ميعـاده ما ضاع حـق مـن وراه مطالـب
مـا مـداك تنسـى عنـي العـام وليـا نسيـت اكـبـر مصيـبـه
عنـدك علـوم وعنـدي اعـلام اهـرج وجيـب الـلـي تجيـبـه
شــاهـــر الــعــنــزي
ياشيوخنـا يـا داعميـن القلطـه سعيد فـاز وفـوزه اكبـر غلطـه
سبب على الشعر الحقيقي جلطـه ما ضاع حـق مـن وراه مطالـب
حتـى ولـو حطـمـة الارقــام مـا نعـتـرف لــك بالغليـبـه
للحـرب لابــس درع وحــزام وانـتـه وش الـلـي تدعيـبـه
سعيـد بـن زهــرة الحبـابـي
ياشيوخ واهل الشعر فى نحى العالم هـذا كـلام مـن عـدوٍ ضـالـم
سببت له جلطـه وغيـره سالـم ما ضاع حـق مـن وراه مطالـب
لـو يشتكـي مـاهـو بمـنـلام الفـوز لـي مـاهـي غريـبـه
لـو ان معـك درعـن ومـقـدام مـا طحـت فـي دقـل الكتيـبـه
شــاهـــر الــعــنــزي
والله لـولا ثــم لــولا لــولا العلـم واضـح زيـن ولا اقـولا
انتـه ضحيـت معركتنـا لــولا ما ضاع حـقٍ مـن وراه مطالـب
الطير لـو هـو حـام مـا حـام بـيـن البعـيـده والقـريـبـه
وش عـاد لـو تعبـت الاقــدام كــلٍ خــذا مـنـا نصيـبـه
سعيـد بـن زهــره الحبـابـي
شاهر يقول اللـي يريـد اتقولـه الفوز لي ولا انت منتـه بحولـه
لا شـك دور حاجتـن معقـولـه ما ضاع حـقٍ مـن وراه مطالـب
انـا تــرا حقـقـت الاحــلام ولا انــت ضيـعـة الحقيـبـه
تبغـا تـوقـف مـالـك عـظـام واعـظـام عـداونـك صليـبـه
شــاهـــر الــعــنــزي
نبـا انتحاسـب لا زعلنـا شكـه واقول اهل مكه مـا تجهـل مكـه
ما باقـي مـن العكـه الا العكـه ما ضاع حـق مـن وراه مطالـب
وانـا كسبـت شـيـوخ حـكـام اهــل المواقـيـف الصعيـبـه
سعيـد تلعـب فـيـه الاوهــام مــال المـريـض الا طبيـبـه
سعيـد بـن زهــرة الحبـابـي
عطوني اللجنـه مثـل مـا جالـك ورجعت مالي يـوم ضيـع مالـك
ما رحت غيـر بغترتـك وعقالـك ما ضاع حـق مـن وراه مطالـب
ضيعـت حتـى مــال الايـتـام ومـال الايتـامـى وش نبيـبـه
قدلـك سنـة والطـرف مـا نـام تشهـد لـي مطـيـر وعتيـبـه
شــاهـــر الــعــنــزي
الكـل منـا عـارفٍ مصلـوحـه يابو عوض زلتـك ذي مسموحـه
والله ما تنجح لولا هـل الدوحـه ما ضاع حـق مـن وراه مطالـب
ماينكتـب فـي بعـض الاقــلام فـي خطـهـا شــكٍ وريـبـه
مزروع لـك فـي دربـك اللغـام مــال الطلـيـب الا طلـيـبـه
سعيـد بـن زهــرة الحبـابـي
يا صاحبي مـا جـاك منـي زلـه لا شك في عينـك قريـت الذلـه
ربعي هل الدوحـه تصـب الدلـه ما ضاع مـن حـق وراه مطالـب
روح بـهـا لـشـرق والـشـام مـا نجحـد الطـيـب وطيـبـه
زرعتـهـا وابـشـر بـالاعـدام ياويـل مــن نـاتـي حريـبـه

وهذا المحاوره فديو

[youtube]http://www.youtube.com/watch?v=xXZGp...layer_embedded[/youtube]