بسم الله الرحمن الرحيم

السلام عليكم ورحمة الله وبركاته

العذر والسموحه بسبب انقطاعي وذلك لظروف انتدابي لخدمة حجاج الرحمن .

أتمنى ان ترقى لذائقتكم .......

ماكل رجالن نسميه رجال=حيشاك يابعض الرجاجيل خيخه
رجلن يشيخ القوم في كل الأفعال=ورجلن بليا فعل يبغى المشيخه
ورجلن مع الشدّات يسند لك الحال=ورجلن مع الشدات ماهو طنيخه
ورجلن حضوره فالمواقيف زلزال=ورجلن بليا قلب تسمع صريخه
وش لك برجلن شيخته كلها مال=ملعون مالن قلد العفن شيخه
المشكله بالناس ياقرم الأشبال=حتى ولو ساسه يفشّل تشيخه
هذا الزمن ماهو زمانن للأبطال=كلن رضخ للناس وأصبح رضيخه
ماكل رجالن على وزن رجال=حيشاك يابعض الرجاجيل خيخه

الحمدلله على السلامه

صح لسانك ولا هنت يا الغالي

قصيدة شامخه بشموخك يا حمدان تبين لنا ماهو الحال والشيخه السائده التي يتمتع بها بعض الناس في هذا الزمان.
قال رسول الله صلى الله عليه وسلم :
سيأتي على الناس سنوات خداعات
يصدق فيها الكاذب
ويكذب فيها الصادق
ويؤتمن فيها الخائن
ويخون فيها الأمين
وينطق فيها الرويبضه
قيل ومن الرويبضه؟؟
قال عليه الصلاة والسلام:
الرجل التافه يتكلم في امور العامه.

المشاركة الأصلية كتبت بواسطة المنادي (المشاركة 24295) صح لسانك انت مبدع وحمدلله على السلامه والله يوفقك http://www.up.zeidanphy.com/files/zk...8bwtwh9op1.gif وتقبل مروري