رد الشاعر مثيب بن سعد المطرفي على مرثية الشاعر عواد بن لهمود المطرفي في (( عبدالله ))
هذه قصيدة رد الشاعر / مثيب بن سعد المطرفي على مرثية الشاعر / عواد بن لهمود المطرفي في رثاء المرحوم / عبدالله بن عواد المطرفي يرحمه الله ما يخلف الهقوه اطوال الاشانيب = وانا هقيت بصاحبي من فترات ادري على جروح قلبك معاطيب = ومقدر الموقف من دون الابيات محدن على الدنيا موثب تواثيب = كلن على دربه يمضيه بسكات هذي دروب الكل مابه تعاريب ! = كلن فقد مضنون عينه بنزعات هذي امور الله مابه مطاليب = كلن على يومه بيذوق سكرات مرحوم ياللي ماذكرله تعاتيب = ولا اذكر انه بالخطا فيه فزات ماني بغيبي ولا عالم الغيب = مير الرجال تبين وقت المهمات مافيه ضيفه كل ابونا معازيب = في خوته في غيبته بكل مافات في رفقته جبت عدة مكاسيب = وفي روحته من لوعتي جت حزات حتى العقل من روحته جاه تكذيب = سج العقل من روحته سج سجات ناسي بأن العيد مابه اصاحيب = ومرسل رسالة تهنئة له بالذات وامحدده بالقائمه دون ترتيب = وادري الرسالة معلقه به ولا جات بس الاولوية قبل كل الاجانيب = هذا القريب بقربته له معزات اذكر اموره مابها الشك والريب = افعالنا تذكر لو ان الجسد مات مرحوم يابن عواد مرحوم يالذيب = ومرحوم ياللي بالقبر ضم ضمات يالله يامعبود ياجزل التواهيب = تنزل على قبر المحبين سكنات بقلم الشاعر / مثيب بن سعد المطرفي صــــــــــــح لسانك |
الله يرحمه ويسكنه الجنه
والله يصبر اهله ويجبر مصابهم الله يعطيك العافيه ابو وتين |
الساعة الآن 09:36 PM. |
Powered by vBulletin® Version
Copyright ©2000 - 2024, Jelsoft Enterprises Ltd.