|
ديوان الشاعر/ حمدان ربيع المطرفي
نعارة وايلي ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ عزمت وقلت من رام الطويله يسمع إعــلانــي=جيوشي درعي وسيفي تداحم مــن يــجــاريها مدامي من شمال أشبال عيال الـمجد وإخواني=عزاوي ونعم من ردّد عزاوي يـامــعــاديــهــا سريت الليل ثم أتليت سهيل ومــن تــقــفــّـانـي=يضيع اللي يبي ياصل حروفي مــايـبــاريــهــا مدام الساس من ساس الشمال ونبت ريــحــانـي=وصدري يازن إديار الجنوب وغرب أراضيها ترى لي مبطين وأقول للـغـارات فــرســانــي=على ظهور البكارى الصفر كانك عارفن فيها أنا ماني تبيعن لك ولانـي بــأطـرف إنـسـانــي=تبي تاصل على الأكتاف ولاإنته من يضاهيها أنا والذيب خـوّتـنـا زمــان وقــبــل تــبــلانــي=ولاعمري نــظرت اللي يتولي رجول واطيها هذيك علـومــك الغبرا تبي تعرف من الجاني=ونا في راس مــرقــاب الشواهق في تساميها هروجك مابها ذيــك الـدّوافــع ويش تبراني.؟=تظللتوا تحت ظل الشمال وفي نـــواحــيــهــا تحيزم وإكرب أبياتك وجهـّــز عــدّة أوزانــي=صميمي أحرار من حد الشمال ومن رواسيها أبااغني وأبااهيجن ولالي فــي بــقــى أظعاني=ولاضر النخل وقفة طيورن في مــطـامـيــهــا تعلم وإفهم المغزى وهاك العـلــم مــن فــانــي=ترى ماارخصت ميزانك وخلــّك فــي مباديها |
قصيدة حمدان ربيع المطرفي بالشيخ محروت الهذال
قصيدة حمدان ربيع المطرفي بالشيخ محروت الهذال كل من تعـود للعنـا ماهـو معـرض للهنـا=معـروف بأنـه للفعـل يـزم كيـد إثقالـهـا أسباب عادت للغياب ماهـي زعـل ولا عتـاب=صحوة فطين ويعتـرف مـن قبـل لايختالهـا إن ردت ليوم الشتات أذكر ترى بعـد الممـات=الطيب طـارب للرجـل اللـي عقـد لحبالهـا قلبه بياض ويستغيث يدعي العزيز إنه يغيـث=والقاع جدبا والعـرب ياربـي ترحـم حالهـا يوم الرجل داس المزاج يبي العمل يعطي نتـاج=يشهد ويومن بالولـي اللـي وهـب همالهـا يوم السما وجه الصباح المزن خيم وإستـراح=رعادها عـم المكـان والخيـر يـدرج سالهـا الذيب ياقف من شموخ والنوق تاقف ماتنـوخ=والبدو مابين السعيد واللـي فـرح بأحوالهـا وجدي على الشيخ الفريد والمرجله دونه تحيـد=شيخ المشايخ يومها بالخيـل صـال وجالهـا شيخة عرب ماهي شذوذ وبالحق لايمكن يلـوذ=شيخي محروت وشيخته تاجن على من قالهـا شيخن وله كلمه ووقار والكل يحسب له اعتبار=يوم إنها بنيـل العـلا حـدر عليهـا ونالهـا المدح ياشيخي يفوز والكسب في مثلك يحـوز=ياكاسبن طيب العرب ياشيـخ شمـل أشبالهـا سيرة حياتك ماتقاس والمرجله طبعك وأسـاس=مواقفن عند العرب محـدن ياشيخـي طالهـا يكفي مذابحها الجيوش حقنتها بوجهن بشوش=يوم العرب قالوا محروت زم الحمول وشالهـا غيرك دفع لجل الخلاص وإنته حقرته بإنتقاص=أسرجت خيلك للوغـى حشمـه لكـل أبطالهـا ماهي عوايدنا الربوض حنا لنا سيوفن تخوض=شيخ المشايخ قادنـا للخيـل صـوب أدغالهـا دحينـا وبشـدة ربـاط ماهمنـا بـرد البـلاط=أسـود ونمـور الوغـى ماهمنـا مدخالـهـا ماجت لنا بكيف وحظوظ ولا بمقولة من يعـوظ=وحنا لها السيف الحدب واللي رفـع منزالهـا الحكم للفرد السميع والشـرع لايمكـن يضيـع=ومن طبق أحكام الفروض يجزى بحسن أعمالها جبت الدرر ناوي أصوغ للشيخ من قبل البلوغ=قافن لهـا خمسـة سنيـن نظمتهـا بجبالهـا ياشيخي الحر العفيف ياحامي لحـق الضعيـف=ياحايز رموز الكـرم بيـن العـرب وأمثالهـا للمفخره نور وبريق والوصف في مثلك يليـق=زيزوم من ساس عنزه فخـرن لهـا لأفعالهـا من قال شيخي إنه هلك قله ترى الشيخ إمتلـك=حاز النجوم العاليـه اللـي تعـب يرقـى لهـا للسيف فرسان وصقيل وللمعركه شيخي دليـل=يغير بأول صفهـا يقسـم صفـوف إرجالهـا ياشيخي يالوجه الكريم ياكافل حقـوق اليتيـم=يمناك محدن طالهـا وأهـل الكـرم بجزالهـا مدتك بيضا من زمان والضيف عندك مايهـان=مواقفـن تشهـد بهـا ياشيخـي ياحلالـهـا ياشيخي يالقرم النزيه وإنت الذي مالك شبيـه=شيخ المشايخ لعنـزه جامـع كريـم خصالهـا رفعت كفي ورفعـوا عسـاك للجنـه ودعـوا=عسى المزن يسقي ثراك أدعي عساك إتنالهـا وختامها صلوا معي من حيث ماطفنـا وسعـي=على النبي محمد صلاه في كـل وقتـن قالهـا ـــــــــــــــــــــــــــــــــــــــــــ المصدر / نايف المطرفي |
قومـن ولاقـوم عـنـزه يالهبيـلـي
ماضاعت الدنيـا مـدام السمـا فـوق=قومـن ولاقـوم عـنـزه يالهبيـلـي ولاطاح نجمي يـوم تبغـى يامطفـوق=شف ربعـي الويـلان زبـن الدخيلـي رميت لك طيب المراجـل مثـل طـوق=وإثـر الجمايـل ماانفعـت بالهميلـي ولاّ المناصـب والشدايـد لهـا سـوق=بالعـون منـت بـطايـل المستحيلـي ترجع تـردّى للـردى مالـك عـروق=ياحيـف يومـك قبـل عامـن زميلـي مافاد بـك طيبـي ولاهـو بـملحـوق=دنيـا حقيـره ماصـفـت للجزيـلـي هـذا زمـان الـذل والبيـن والبـوق=وهذا انت يابـن النـاس أكبـر دليلـي مالـك عـذر دام المعاذيـر بـحقـوق=واللـي لسواتـك مانـعـدّه قبيـلـي درب المراجل واضـح ولا بـه فـروق=والعفـن عنـد القـوم فعلـه هزيلـي الطيب دونـك يقصـر خطـاه ويعـوق=يطيـح مـع باقـي الخسايـر قتيلـي يافوح تسبدي والصدر منـك محـروق=أزريت أجمّـل فيـك وأنفـض شليلـي مار الجمايل ماانفعـت باللـذي ايبـوق=شـاف المناصـب وانخـدع بالقليلـي كرسي المظاهر ماجلب خيـر وبـروق=دام إنـت جالـس تحسبـه مستطيلـي تدري وش اللي بيننا..؟..! درب مفروق=مثـل السمـا والقـاع دربـن طويلـي شف السما والشمس لاكانـت شـروق=وشف الشواهق لاعلـت وش تشيلـي تنبيـك عنـي والسمـا عاليـه فـوق=قومـن ولاقـوم عـنـزه يالهبيـلـي |
عزيز النفس
عزيز النفس ماهمه كلام الغير وش قــالــوا=عزيزن مافتح للناس سراديب لحـكـاويــهــم أنا أشهد مابه المنقود ولابه شك لــو عـــابــوا=مجنب شر هارجهم مجنب شر هــــافــيــهــم رضاه الله ثم ربعه صقور أحرار مـاهــابـــوا=ولاهابوا ردي الحال ولاعابت مــجــانـيـهــم رجال أشبال لملاقى المنايا ربعه إنـصـاعــوا=إلى من دقت الساعه وحانت يامـعـاديـــهــــم تشوف خيول مصطفه ولاهم للوغى خـافــوا=صقيل سيوفهم تصدح بعيداتن هــقــاويــــهم إلى من صاح قايدهم تراهم للـّقــى ســــاروا=تسير جيوش من راية عقيد الــقــوم عالــيهم وإلى من ثارت العزوه تراهم بأثــرها ثــاروا=تتالى خيول فرسان القبيله من عــزاويــهــــم تغير أسراب ماتدري من أيّة صوبها إجتاحوا=تطير أرقاب من سبّة شطير سيوف أياديــهــم وغاروا عقبها جيشن بأثر فرسانــهــا غـــاروا=جحافل جيش ماتسمع سوى ممشــى خـطاويهم تسير بخطوتن وحـده على مضمونها جــابــوا=عزوم أحرار مـاذِلّت ولاتــنــذلّ أراضــيــهــم تطير أرقاب ماهــابــوا معيشة يومهم عــافــوا=ماعاش الذل ماترضى تجي بيدين غــازيــهــم ولاحت مع مغيب الشمس بشاير نصرهم فازوا=رجالن حازت العليـا ولاخــابــت مــبــاديــهــم أنا أشهد ياعزيز النـّفس قوي الساس وش قالوا=مدامك من جبل قومــن بعيداتن هــقــاويــهـــم أنا أشهد مابك المنقود ولابك شك لو عـــابـــوا=مجنّب شر هارجهم مجنّب شـرّ هـــافــيـــهـــم |
نكبة الثلاث
ضاقت ولكن مابقى بالضيق شـيء مستجيـر=كثر المصايب ياعرب ماهي مصايـب واهيَـه راحت على غيري ونا دايم على مبـدا أسيـر=لو انها كانت ذهب يمـدي المصالـح راهيَـه شديت فكري ياعرب ونا هنا السيف الشّطيـر=واللي بغى علمي بعد يبطي جبالـي راسيَـه حكمة زمان الهمهمه والتمتمه سـادت كثيـر=دنياَ تقلّـب ياعـرب والفكـر غـادر راعيَـه نفسي اقول السالفه وأنخى هلَ العرف الكبيـر=ماهي سوالف لاغيه ماهـي سوالـف لاغيَـه نفسي أحصّل أجوبه للّغز من يومـي صغيـر=شبنا وشابت روسنا واللّغـز مانـي ناسيَـه ياحول أنا وين أبتغي للي فهم بعض اليسيـر=خطو المراجل كسبها معـروف كانـه باغيَـه أحدن هجع باله صفى وأحدن درج دمعه غزير=وأحدن فقد أمه وأبيه والدنيـا هـذي فانيَـه ماهي غريبه ياعرب دمعة تـرى أمّ الأسيـر=ستّين عامن في حصار وحناّ نشوف العافيََـه طفلك يالأقصى بين عام والعام الآخر مستدير=وأبيض كفن لفّه حدر قبـرن يناجـي باريََـه الخام الأبيض مرتفع والذبح سهل وفالجهيـر=وأكبر دليلي ياعرب ( الـدرّه ) شفنـا تاليََـه مرحوم ياطفلن سكن تحت الثرى وقدره كبيـر=عطرك ترى عمّ الفضا وأمطر غيومن جاليَـه من وين ماجبنا القدم والسير واقف مايسيـر=نصبح ونمسي فالضحى والفجر خيطه هاريَـه فرّطنا فيها ياصلاح وأدري بأن قبـرك يغيـر=وشلون نبغى تنتصر..؟ القدس وأضحت خاليَه من زمرتن عاثت فساد فالكـون يالله السّتيـر=أكّالة لحـوم البشـر وتهيـم فيهـا ساليَـه شارون يسرح مرتعن بين الخزامى والغديـر=زنديق كافـر محتقـر للشّـر تابـع طاغيَـه ومن دون ثالث قبلتن شفنا بعد شيخن كسيـر=يصيح وين المسلمين لبنـان طاحـت داميَـه جاروا عليهم هاليهود يبون شبْعا فـي نفيـر=وحنا هنا جَمْعة بلـوت والكـل بالـه هانيََـه القصف يدْوي فالمكان والقوم فينـا تستجيـر=لا حسّ أو حسّ انحصر فالقلب ماهو خافيَـه نفسي أصرّح ياعرب وأقـول لا لا مايصيـر=لا لا ولا لا ياعـرب لبنـان ثانـي عـاريََـه والثالثه باحت كنين يامحزمي وقـت العسيـر=بغداد…!..؟ بغداد العرب وأم بعباتـن باليَـه والجوع من طيبه سكن فالبيت مع أهلَ الفقير=يكسر فتاته من هموم والهـم لقمـه عافيَـه بيض العذارى تغتصب ماهو خفـا إلاّ جهيـر=والسالفه صارت سكوت واليا متـى ياعاديََـه من كثر ماشفنا المصاب ماعاد فيها يا ضمير=المجزره حول الدّجيل والقتـل عـاده جاريَـه حلّ الدّمار وحَلْحَلَـهْ فالأمـن والدّيـره قفيـر=ماكنّها إلا بقعتـن صَبْخـا غـدتْ متداميََـه وأزرق سماها مظلمن كالليل مابه من عشيـر=واللّيل من بعد المغيب قصف المدافع ضاويَـه أسوار بغداد وهوَت مثل الـذي نـوّخ بعيـر=شامخ ولكن إنجبـر يرضـخ لواقـع قاويََـه أنهار جفّت والورود ذبْلَتْ قبل نَفْـحَ العبيـر=والحنظل العلقم نِبَتْ وسْط البيـوت الخاويَـه الحال واضح ياعرب والوضع جداً هو خطيـر=إلى متى نهوى السكوت والقلب ناره صاليََـه عزّي على القدس الكسير ولاّ على الحظ العثير=ولاّ على ذيك الديار لبنـان صـارت غاديَـه وعزّي لبغداد العرب سارت كما عكس المسير=يارب تعْجـل بالفـرج وتعيـد مجـدٍ بانيََـه |
العباره
قفى نبكي على الأطـلال تـاره=على ذكرى تلاشت من زماني لك الله كـل مااوحـيت العبـاره=عرفت ان القدر أقرب مـكـاني أنــا قـبل أتعـلـم مـن حـضـاره=عطاني أبوي درسن مانســاني يقول الأولى شعرك مو تجاره=ولا وزن الـقـصايد بالأغاني زمـانـن لـو عـرفـنـا إزدهـاره=غشامه لو نحاسب ماهو فانـي وشعرك لو تقوله عـن جـداره=تراك الكاسب الشهره وجاني زمــانك لو صفا لك فيمـداره=لابد كوكـب يزيـلك في ثـوانـي صحيح إنك فرزدق بـإعـتباره=يـشدالبيت مـرصوص المعاني ولـكـن لايــغـرك إشــتــهــاره=ترى راحت حـيـاتـه فـيتفانـي صلاتك ثم صيامك ثم وقــاره=وجارك ثم صديـقـك لا يهـانـي وإذاشفت الملا هـدوا مسـاره=عـليـك الله مـن قـبـل الـتـواني ياشاعر خذهاوإعرف هالعباره=ترى أعمالك حصيلك فالزماني |
ثمان سنين
أنا شاعر على ماقيل بدايـة خطوتـي عثـره=ثمان سنيـن مرتنـي ولاادري ويـن ترحالـه سقى الله غيث من يقرا روايع شعـر مزدهـره=تبوح بصمت كاتبهـا وأثنيهـا علـى أجيالـه لك الله ياهنوف الزين تركـت بداخلـي ثغـره=أنا من وين مااسافـر وحالـي باقـي إلحالـه رضخت لواقع العـزه هقيـت إنـي أبنتصـره=رجعـت ولالقيـت إلا بقايـا آثـار زلـزالـه وألا ياشعري ماباقي سوى دفتـر مـع حبـره=قلم مدفون في صحـرا بعيـده عنـي أميالـه بحثت ولا وعيت إلا ونا فانـي قضـى دهـره=لك الله يافرزدق ليـه تبكينـي علـى اطلالـه إتصدق مارفعت الهام ولكـن كاسبـن شهـره=يكفيني شبل وايـل ونـا واحـد مـن أشبالـه وألا يانعمة النسيـان تعالـي شوفـي الحسـره=شتات إنسان وأحلامه طمـوح مجـرد آمالـه أنا من ويـن مااسافـر شتاتـي زايـد بكثـره=أفاخر ليه ياعالـم ونـا عايـف سهـر حالـه على ملعب من أحزاني جرعت الكاس في سكره=ونا خسران ياعالـم وياسـي ماخـذ أبطالـه سعادة وشهو يافاهم حـروف المـد والكسـره=تجر الفتحـه بكسـره وتهمـل باقـي أفعالـه فرزدق ماترك للناس روايع بيت فـي عصـره=ونا حزت المراتب فيه ونا كفـون لمـن قالـه |
المطارفه
سلامي ياربوع الشمال سلامي مع جل الجناب=من ساس وايل مطرفي والفخر واصل من طرب ربعي هل العشوا وأقول إن السما فوق السحاب=لي حق أفخر وأفتخر بأمجاد ربعي ياعرب ربعي هل العشوا جموع تاطا على كل الصعاب=يوم إنها بذكر الفعل نكسر ظهر منهو قرب مانتبع الغاوي ولا نمشي على شوف السراب=ولانحسب إن المرجله سهله على منهو حسب الجار مع ربعي محشوم والحق له وزن ونصاب=والمعتدي يلقى جزاه حنا له السيف الحدب نغير له جيشن غفير وتضيق به سبع الرحاب=نذود عن جارن لنا سلمن بنا حق ووجب نارد على حياض الغدير ماهمنا قص الرقاب=فريس وأدنانا شجاع من طنخته صال اللهب منا الذهابي وإبن ذيب وصقر السحالي للركاب=ومنا الخليلب فارسن كم صولتن جاب العجب ربعي لموقف طيبهم مثل المزن أسقى الهضاب=لامن وصل ربعي دخيل يامرحبا بصدرن رحب قل للنفيشي وش حصل ينبيك عن فعل العجاب=شلنا ترى شياهه على خيل ومواقفنا ذهب المطرفي يفطم شجاع والمرجله زاد وزهاب=خطو المراجل مكسبه بين القبايل والعرب منا مشايخ صيتهم ذايع وهم تحت التراب=هقوة سحالي والمثل معروف يومنه إنضرب ومنا بعد شيخي حمود عدى الملامه والعتاب=تندا يدينه للكرم مثل المخايل والسحب طيبه بحر ماله مثيل طيب الفعل لاقلت جاب=حلحيل من نسل الشيوخ اللي لها شيخي كسب زيزوم حلال الصعيب ولا كما لايوث غاب=حرن تعلى للسما طال الكواكب والشهب صنديد فارس ضيغمي ليثن وله مخلب وناب=قرم ونزيه معرب الأجداد والشيخه إكتسب كسب الفعايل ديدنه وأقرب كما لبس الثياب=في مجلسن عامر وبه البن الأشقر والحطب إدلال صفر مصففه والكيف داله ثم طاب=الضيف يلقى له مقام نعم المعزب لاإقترب ريفن على ربعه كريم والجود مسرج له ركاب=يجود بالغالي النفيس مرضاة ربه وإحتسب واليوم ياشيخي رحلت من دون سابق أو جواب=تحت الثرى وربعك عليك مابين باكي وإنتحب عزي لفقدك يالوفي والحال من موتك مصاب=ذي قسمة الفرد السميع والموت حق وإنكتب عساك لجنان الصمد تجزى بها خير الحساب=وعسى المخايل يم ثراك همالها لقبرك سكب العلم غانم ومحمود ويارب بأعمالك تثاب=والقوم تدعي لك جميع وباقي عنزه وأهل النشب وختامها صلوا معي يأهل السنن وأهل الكتاب=على النبي محمد صلاه إعداد ماطرف هدب |
لاصرت من قومن بهم سالم الزير=لك تاقف اكبار القبايل وقاره
وش باقي أكتب والقصايد مزابير=تعبت أردد ياقلم هالعباره رجلن بسيط ومطمعه مكسب الغير=بخوة رجالن معرفتهم تجاره ماهو من اللي يطردون الغنادير=ولا هو من اللي يعترف بإنكساره ولاهو من اللي يتبعون المشاهير=حاز الجزاله بالشعر عن جداره ياخاطري المكسور مسيت بالخير=إنسى مدام السالفه بالمراره تشرب بحر والناس تشرب من البير=ولا حسبت الزود ولا الخساره ولا عذربك ياخاطري نافخ الكير=هذاك يبطي ماتعدل مساره ياخاطري لاغبت من دون تبرير=تبقى على ماكنت مثل المناره ساسك يشرف مع كبار المناعير=لاجا مجال المرجله والصطاره لاصرت من قومن بهم سالم الزير=لك تاقف اكبار القبايل وقاره |
الموت
بالله قلي والصدر غارق اهموم=والعمر مايحسب مسافات وأميال عمرك وهو عمرك إذا فاتك بيوم=بآخر مطافك ميت بكل الأحوال بتقول عايش وإنت ضايق ومهموم=والحال كل الحال زايل ومنحال دنياك هذي لاتغرك على الدوم=محدن ترى خالد وباقي على حال لو كنت شيخ وتنحسب بأكبر القوم=وتملك من الدنيا رصيدن من المال ماإنته بضامن عمرك بحزة النوم=حتى ولو تدفع ملايين الأموال للموت سكره وآخر الموت معلوم=ويالله ثبت موقفي عند الأهوال لابد يوم وتنذكر فيه مرحوم=وتودع الدنيا ولو فعلك اجبال كل حاجه تبدا تنتهي وإنت ملزوم=تسأل عن اللي وش عملته من أعمال لاوالله الضيقه صلاتك مع الصوم=ضيعتها جاهل على غير منوال |
| الساعة الآن 05:48 PM. |
Powered by vBulletin® Version
Copyright ©2000 - 2024, Jelsoft Enterprises Ltd.