بعد وفاة الشاعر فهد عواد
زارني سعود عواد بعد وفاة الشاعر فهد عواد وكلمني من جواله رحمة الله عليه وأترككم مع الأبيات التي كتبتها بعد ذلك الموقف وأقول فها ........
الله يرحم راعي الرقم يا سعود *** يا سعود ليه دق منه عليه شفت الاسم يا سعود وقفت بركود *** وبكل ثقه يا سعود فرحة عنيه هذا فهد عواد لازال موجود *** الآن دق الآن توه عليه والله أي والله ربٍ ومعبود *** إني شعرت بفرحة داخليه فرحه تخلى شايب قظين عود *** يرجع شباب وضحكته بالثنيه فرحة تنسى مثلي اليوم مقرود *** انه قبل يومين دافن خويه صحت ورفعت الصوت صيحه بلا حدود *** هلا فهد وأهلين راعي الحميه هلا بولد عمى هلا براعي الجود *** لك وحشه والله ما هي شويه وقالــي اطلع أنـا الحــيــن مــــوجود *** أعجل يا أبو سلطان أطلع عليه طلعت له أجري وأشتقتله زود *** وشوفه أبو خالد هي أكبر هديه ماهو فهد أثره يكلمني سعود *** وثري فهد ميت خذة المنيه وقفت مذهول وكل حيلي مهدود *** وشو جرى يا ناس ويش القضيه ثم سال دمعي فوق خدي بلا فود *** ما فاد دمع أمه لو صرت زيه عزي أنا لمه بكت بعد وصدود *** وعزي أنا لعواد وعزي لخيه يا لله لا تجعل من دعاي مردود *** وأقبل دعاي اليوم رب البريه أرحم فقيد مات والعالم وشهود *** وكل الذي عرفوه حزنو وسويه وسع عليه القبر ولو كان مسدود *** وفتح عليه أجنان خلد عذيه وأصلح ضناه اليوم يا راعي الجود *** وأجعل عملهم صالح ولك رضيه وارحمه في يوم به العيد موعود *** وأغفر له الزلات ويا الخطيه هيظتني يا سعود والعالم رقود *** وكتبتلي بويتات ماهي رديه ثارن بقلبي مثل بندق وبارود *** ووذيتني ياخوك اية اذيه الله يرحم راعي الرقم يا سعود *** ويهديك ليه تدق منه عليه أبو سلطان محمد مطر بن حويل المطرفي |
صح الله لسانك
ورحم الله الشاعر فهد وجميع موتى المسلمين |
صح الله لسانك يامحمد مطر الحويل ورحم الله الشاعر فهد بن عواد شاعر لن يتكرر ولكن انا اشوف اخوه نواف شاعر جيد |
صح لسانك ابو سلطان
والله يرحم فهد عواد ويسكنه فسيح جناته |
الإخوة الدهــــام , جرير , المنادي صــــــــــــــــــــــــــــــــ بدنكم ــــــــــــــــــــــــح أتشرف بمروركم |
آللـــــــــــــه يرحمه ويسكنه الجنــة
قصيـــدة تحمل الكثر من الألم والآســـى والمشآعر الجيآشة صح لســـآنك والله يرحمك يا فهـد ويغفر لك ويعل الجنة مثوآكـ بآسل آلمطرفي . |
تعجز الكلمات والحروف عن الكتابه عن ابوخالد
لقد فقدنا شخص له بصمة واضحه لن ننسى ابو خالد ابدا ودائما السنتنا تلهج بالدعاء له اسأل الله ان يرحمه ويسكنه فسيح جناته صح لسانك يابو سلطان |
الاخ ..... باسل , الاخ......صالح صــــــــــــــــــــــــــــــــ بدنكم ــــــــــــــــــــــــح مروركم تاج اضعه على راسي |
صـــــ الله بدنكم ــــــــح أتشــــــ :112:بمروركم العطر:46: ــــــرف |
صح لسانك يا ابو سلطان والله يرحم فهد ويجعل مثواه الجنه بأذن الله
مشاعر أخويه تستحق الوقوف وليست بغريبه عليك أخوك / سلطان عايد السعيد |
الساعة الآن 06:11 PM. |
Powered by vBulletin® Version
Copyright ©2000 - 2024, Jelsoft Enterprises Ltd.